"ترنيمة سلام".. كلنا "أنا" فلماذا التناحر !؟

بالنسبة لى رواية "ترنيمة سلام" للكاتب أحمد عبد المجيد .. كتالوج نفسى أكثر من كونها رواية درامية .. أحببتها أكثر فى سياق البحث عن الذات والسعى للوصول لحالة سمو روحانى تعالج بعض من أمراضنا المجتمعية .. 

رغم أنها العمل الأدبى الأول الذى قرأته للكاتب أحمد عبد المجيد لكنى احترمت وفاءه لمن حببوه فى الكتابة أو أثروا أفكاره عن طريق القراءة لهم وهذا تواضع وصراحة قلما نجدها فى كاتب شاب حازت روايته على جائزة بحجم جائزة الشيخ زايد 2014 ..

التركيبة الروائية ليست بالإثارة المميزة فأحداثها فى يوم واحد بين شخصين تقابلا فى قطارأحدهما يروى حكاية امتدت لسنوات عن شخص ثاالث .. هذا ما سيبدوا لك فى البداية ويتغير فى النهاية لشيئ أشبه من الهلوسة الذهنية فى ختام سريع غير متقن ولا يتناسب مع تفاصيل الحكاية الكثيرة .. 

أما الرسائل التى تضمنتها الرحلة والحكاية فهى ما تستحق الإشارة إليها وتناولها بشيئ من التفصيل وطرحها كموضوعات مستقلة للتأمل لماف يها من معانى إنسانية صوفية أعترف بتأثرى بها كثيرا منذ إنتهائى من قراءة الرواية ..

"المتعة والسعادة ليستا دائما نفس الشيئ .. المقامر يشعر بمتعة كبيرة وهو يقامر بكل ما يملك ,ويعود إلى طاولة القمار مرارا وتكرارا ظانا أنها تحمل له السعادة .. لكنها سعادة مؤقتة ,مزيفة,قد تتلوها سنون من الندم" .. 
أيهما نفضل المتعة أم السعادة؟؟ وهل سعادتنا ناتجة من سلسلة من المتع المتتالية أو المتوازية؟؟أم أننا نكتفى بالمتع ظنا منا بإستحالة السعادة؟؟هل هناك حقا السعادة!؟!..

"فكل ميسر لما خلق له " مقولة رددها أبطار الرواية بإيمان شديد يدفعنى للإشارة عن رؤيتى لمعضلة البشرية "
هل الإنسان مسير أم مخير؟" وفى رأيى أنه مسير بشكل يبدو إختياريا .. فبما أنه لا وجود للصدفة فإن أفعالنا تبدو إختياريا بعد إنسداد كافة البدائل الأخرى .. كمثال الفأر فى المتاهة .. يبدو له أن كل الطرق تحمل إحتمال الوصول لقطعة الجبن فى نهاية المتاهة لكن فى الحقيقة طريق واحد فقط سابق التجهيز هو الطريق الوحيد !.

"وددت كثيرا لو تدعمنى , أن تخبرنى أنها واثقة من نجاحى , حتى لو كانت كاذبة . كان هذا سعنى لى الكثير " ..
كم منا تسبب دعمه فى نجاح شخصا أخر ؟؟ كم منا فشل لعد وجود الدعم الكافى له ؟؟ من منا يمتلك جرأة الإعتراف أن نجح بلا دعم ؟؟ ومن منا كذب تشجيعا لإبن أو صديق وتحول كذبه دافعا لنجاحهم فعلا ؟؟ .. إبتسامة صباحية تصنع المعجزات بيومك كله وفكرة سلبية تقضى على ماتبقى من حياتك .

"كل شيئ فى الكون يغنى ويعزف لحنه الخاص .. كل شئ يؤدى دوره فى أوركسترا كونية لا تتوقف أبدا عن العزف" ..
هل سعينا نحو التأمل فى الكون حد الذوبان فيه ؟؟ هل شاركنا فى العزف الكونى مرة أم إكتفيا بالسمع أم كنا نشاذا فى لحنه ؟؟

"نحن تائهون فى الزمن , بينما الزمن ليس سوى فكرة وهمية اخترعناها من أجل تنظيم حياتنا , لا يوجد زمن حقيقة , الزمن مرتبط بالحدث , فإذا لم يكن هناك حدث فلا يوجد زمن" ..
تخيل ان الماضى بما يحزنك فيه والمستقبل بما يقلقك عنه مجرد أرقام لسنين وأيام وساعات بدون أحداث هل كانا ليسببا لك كل هذا الألم والقلق ؟؟!!

"أزل من قلبك الأحمال الثقيلة التى حملته إياها طوال السنين الماضية , حينما تنظفه من كل مافيه من غضب وحقد وخوف ويأس وألم وأنانية ..حينها فقط ستجد بداخله ما تبحث عنه"..
 رغم إستحالة الفكرة عمليا لكنى على يقين أن السلام فى نهيتها يقينا .. لقد لوثنا المجتمع وطمس على فطرتنا الإنسانية السليمة وحولنا لذوات وهمية نعيش بها الحياة ولا نحياها .

"لا يوجد " لو لم" .. لو عاد الزمن ياعزيزى فستختار نفس الخيارات أو خيارات موازية لها ستنتهى بك إلى نفس النقطة التى أنت فيها الأن .. ليست الفكرة هنا فى تغيير مصيرك , ولكن فى "ما الذى استفدته" .. 
كم من الوقت ضيعناه فى البكاء على اللبن المسكوب ؟؟ كم جلدنا الذات باللوم على إختيارات فى الماضى رغم أننا أخذناها بإرادتنا وقتما كانت الإختيارات الأصوب فى أعيننا ووفق حساباتنا وقتها .. إذن اللوم لن يفيد وجلد الذات مضر والوقت لن يعود .

"أتذكر بصعوبة الشخص الأحمق الذى كنته منذ عدة شهور , حينما كنت أخاف الناس وأغضب منهم وأتعارك معهم .. لم أكن أعلم شيئا وقتها , كنت أرانى "أنا" وأراهم "هم" وكنت أخاف على "أنا" من"هم" الأن لم أعد أرى سوى "أنا"و"نحن".
99% من مشاكلنا مع الأخر تنتهى حالا إذا وضعنا أنفسنا مكانه .. أفشل أحيانا فى التنفيذ رغم نجاح تجاربى  مع الأخرين فى الشارع والعمل والمنزل .. يمنعنا الكبر كثيرا من التمتع بمثل هذا المبدأ الرائع !!

"أنا هو أنا .. كلنا أنا .. أنا شجرة "
 ثلاثة مبادئ صوفية أتمنى أن يمارسها الجميع كى يتصالحوا مع أنفسهم ويقبلوها ثم يحبوا الأخر ويمتزجوا معه وأخيرا يثبتوا راسخين فى السلام النفسى للأبد .

"التجارب لا يمكن استنساخها لأن لكل منا ظروفه وطريقه الخاص" 
أو كما قال باولو كويلو "اصنع اسطورتك الذاتية" .. كفانا تقليدا للتابوهات وإعتبار تجارب الأخرين مهما نجحت مقياسا نقيس به تجاربنا .. يجب أن نمارس تجربتنا .. نتعلم ممن سبقونا ولا نقلدهم .. ربما نصل لنتائج أكثر تميزا .. أو على الأقل سنستمتع بتجربتنا الذاتية وبما وصلنا إليه من نتائج بقناعاتنا ورؤيتنا وإرادتنا الحرة .. الحرية كنز يبقى .

#حملة_إنتخاب_إمرأة_لحكم_مصر

بعد ال شوفتو فى فيديو واقعة ضرب ظابط شرطة لسواق فى اكتوبر ودفاع النساء عن السائق المظلوم وتصوير والواقعة والذهاب للنيابة للشهادة بعد محاولة الضابط تلفيق قضية تذكرة هيروين للسواق !! .. وبعد سماع إحدى شاهدات العيان وجرأتها فى الحق قررت أعمل حملة #حملة_إنتخاب_إمرأة_لحكم_مصر ..
للمرة المليون جربنا كل أنواع الحكام ملكى عسكرى مدنى .. نجرب مرة حاكمة امرأة .. حاسس ان صلاح حال مصر ع ايد واحدة ست ..

تجربتى الشخصية قبل وبعد الثورة وف حزب الدستور فى بنات ف مصر كتيييير لو خدو فرصة ف صناعة القرار هيبهرونا بنتائجهن .. مصر بتاريخها وثرائها الثقافى وريادة المرأة ف مجالات كتير ليست أقل من بلدان أخرى منحت المرأة الفرصة ولم تندم .. فى أسماء كتير يمكننى ترشيحها لرئاسة مصر .. جميلة اسماعيل - دينا عبد الرحمن - إسراء عبد الفتاح - ماهينور - بثينة كامل - منى سيف .. وغيرهن أثبتن أن
صوت المرأة ثورة

وإليكم نماذج لنساء مصريات تفوقن فى مجالات متعددة حتى ندعم الفكرة .. الفكرة مش هاشتاج ولا إنقلاب .. فكروا بموضوعية .. التجربة تستحق النقاش .. الإمارات الأن رئيس مجلسها الوطنى إمرأة ..
 
- حتشبسوت.. أول امرأة تحكم مصر
- لطفية النادي أول امرأة تحصل على إجازة الطيران في عام 1933 ثاني امرأة في العالم تقود طائرة منفردة
- حكمت أبو زيد أول وزيرة في مصر عندما اختارها جمال عبد الناصر أول وزيرة للشئون الاجتماعية في 25 سبتمبر 1962
- إيفا هابيل أول إمرأة عمدة ف مصر عام 2009 نافست ستة رجال على منصب عمدة قرية كم بوها في محافظة أسيوط وفازت 
- سارة سمير اول امرأة تحكّم مباراة بالدورى المصرى 

- راوية عطية أول امرأة تدخل البرلمان المصري في 14 يوليو 1957  
- حنان النحراوى أول امرأة صماء تخوض الانتخابات عن ذوي الإعاقة  
- سوزيت الفلال أول امرأة غواصة محترفة في دهب 
- هالة شكرالله.. أول امرأة ترأس حزبا سياسيا في مصر ( حزب الدستور ) 

- كريمة العروسي أول امرأة مصرية تحصل على مقعد بالبرلمان 5 دورات متتالية داخل دائرتي عابدين والموسكي 

أنا عن نفسى أرشح وأدعم جميلة إسماعيل لأنها أول سياسية مصرية أراها تنزل تواجه الجهل والفقر والعنصرية والتطرف فى قلب صعيد مصر وواجهت مالم تواجهه سياسية مصرية من قبل . ومن استطاعت مواجهة الصعيد تستطيع حكم مصر.

إثارة حمالات الأبيض واسود وتحرش ألوان الهوت شورت

لازم اسجل أولا إن فكرة التدوينة جاتلى وأنا بتفرج على فيلم كهرمان بطولة هدى سلطان ويحيى شاهين على روتانا كلاسيك..دا فى سياق عشقى الليلى لإنهاء يومى فى مناخ كلاسيكى هادئ أمامها أو أمام معشوقتى ميلودى كلاسيك .. فياريت تسامحونى على طول العنوان وحياة أحلى فيلم أبيض واسود عندك :)
 أغلب الفيلم هدى سلطان شغالة فى خمارة لابسه فساتين حمالات وهدى زيها زى هند رستم زى تحية كاريوكا أيقونات للإغراء فى افلام زمان ومع ذلك ورغم إثارتك (الطبيعية كذكر أمام أنثى مثيرة) لكن كرجل تستطيع أن تستوعب سياق الأحداث وإحترام البطلة لدورها دون تخطيه لسريرك أو بنطلونك كما تفعل ساقطات العهر الملون فيما يسمونه أفلام حاليا ولا داعى لذكر أسماء عاهرات أو بورنو فى سياق سينمائى كلكم شاهدوه وتعرفونه..
أنا مش من الناس ال تستسهل الحديث عن بركة زمان زى جدك كدا وهوا بيحكيلك عن قدرة الجنيه الخارقة على شراء كنوز قارون أو حكاية جدتك عن التفاحة بحجم البطيخة ال كفت اسرتهم فى احتفال جلاء الإنجليز .. مش همشى على خطاهم واطنطن برقى ذكور زمان وتعففهم عن التحرش وإلا أكون بتعامى عن تاريخ خمسة باب وكلوت بيه وحتى تياتروهات عماد الدين ومحمد على .. 
نظرتى مختلفة للإنحدار الذكورى من عهد حمالات الأبيض والإسود حتى عهد ألوان الهوت شورت .. من باب مافيش فى الدنيا وردة بتطلع فى خرابة .. إذن إنحدارنا الثقافى والفنى لازم يتبعه إنحدار سلوكى .. هدى سلطان كانت بنت زمانها .. وصوفيا برضو بنت زمانها .. محيط جنينة الاسماك وجاردن سيتى أفرز هند رستم ومحيط عزبة الزبالين ومنشية ناصر رجع سما المصرى !!..
لبس البنت فى الخمسينات والستينات كان فستان .. كانت بنت .. ميكب بنت .. مشية بنت .. ضحكة بنت .. انوثتها ذات مقام رفيع تثيرك بالتلميح دون الحاجة للتصريح .. أما دلوقت ومن ساعة ما دخل المقاولين والجزارين طريق الإنتاج وحكم الفاشلين والفاسدين سلطات السياسة والدين والإعلام .. أصبحت المرأة عاهرة الجوهر قبل المنظر .. عاهرة رخيصة مبتزلة .. تفرغ شهوة لا تروى روحا .. حتى أننا من فرط تعودنا أصبحنا لا نبالى بشخصية الهوت شورت او بدلة الرقص مادام الحشو أرخص وأسهل .
العالم ليس مثالى ولا يستهوينى الإنسان الملاك .. وأعتز ببشريتى ورغبتى فى تجربة كل شيئ بما فيه الغلط .. لكن بفطرة الذوبان مع اللامنتهى أرى السعى للرقى واجب إنسانى .. الجميع أحرار وحريتهم بالطبع تشمل الملبس .. لكن كما احترمت حرية ملبسهم ولم أربطها بالتحرش بهن عليهن إحترام ذوقى الذى أفسدوه برخص أنوثتهن ..
سامية جمال رقصت ألاف المرات لم تصل مرة لتشليت صافيناز بعد عشر رقصات .. فإن كان ولابد الرقص ارتقوا عشان حفلة الفرح ما تقلبش كازينو الليل .. شادية مارست كل أنواع الدلع الصوتى حد الغنج ولكن لم تهين خيالك بالوصول لمصطلحات السرير .. الفن مرأة الشعوب ومافينا من تحرش وإبتزال وانحدار لازم يطلع ع الشاشة بمزاجنا او غصب عننا .. ومش هدخل ف معضلة الوعى الاول ولا الانتاج .. لأنى هختار الإرادة .. اننا نكون عايزين نرتقى بالفن والوعى والانسان والذوق وحتى الإثارة والإغراء .. يمكن ف يوم نرجع نمارس الحب والفن بضمير وبدون تقصير
 
 

ثلاثية غرناطة .. الأندلس بين الخيال والوهم

"لو راجعنا آراء السلف في العلماء الذين يفتخر بهم العرب والمسلمون وينسبون إليهم «حضارتهم» مثل الرازي وابن سينا والبيروني والفارابي وابن برد وابن الرومي وابن رشد وبن فرناس وابن الهيثم والخوارزمي، لوجدنا أن لا أحد من هؤلاء يعتبر مسلما في نظر السلف!" (منقول من منتدى التوحيد )

منذ نشأتى وأنا أسمع حلمين فقط للمسلمين "المثقفين" من حولى..تحرير القدس وإعادة مجد الأندلس ! كنت أستغرب لماذا الأحلام ليست من قبيل حج البيت , كفالة اليتيم وغيرها من الأحلام القريبة المنال عظيمة الأجر عاجلا وليس أجلا .. حتى اكتشفت مع مرور السنوات ان غاية السيطرة الدينية على الحشد تتلخص فى إثارة أحلام التابعين بما لا يملكونه..هم يعدونهم الجنة ويجعلونها ملك أيمانهم وكأنهم ملكوا مفاتيحها وكذلك يعدونهم فتح القدس والأندلس ويراهنون على عامل الزمن وللأسف لم ينتبه أحد من التابعين إلى وهمية ما يعدونهم به..فاليوم الأندلس أصبحت دولا لها سيادة وشعوبا ذاقت الحرية والتقدم وأى إستفتاء محايد لن يجعلهم يرغبون فى عودة الأندلس وكذلك القدس أصبح من المؤكد وجود 2 مليون مواطن من أصل عربى فى تل أبيب وباقى المدن الإسرائيلية ينعمون بحرية وتقدم لن يجدونها فى ظل حكم أنظمة عربية فاسدة مستبدة فلما المغامرة وحتى المقاومة باتت تضرب فى مصر أكثر من ضربها فى إسرائيل !!.. بالمثل الخلافة التى يدغدغون بها حس البسطاء المرهف لكل ماهو مغلف دينيا مع استحالتها هى الأخرى وعلى فرض إمكانية تحققها فلن تكون كما كانت عليه منذ 1400 سنة بل ربما الشكل الأقرب هو "الإتحاد الأوربى"بعملة وتأشيرة ودستور واحد ولكن كيف فشل العرب الموحدون لغويا ودينيا وسينجح المسلمون المنقسمون مذهبيا وأيدولوجيا ؟!!..حتى الجنة لا يملك أى من مشايخهم أن يدخل نفسه فيها وإلا فليعلن أحدهم أنه من المبشرين بها يقينا ولكن الجنه عندهم حلم يشغلون به الفقراء ليسلبوهم الإرادة ويجعلوهم تابعين منشغلين عن فقرهم وجهلهم ومرضهم مقابل أن ينعم مشايخ السلاطين بالسلطة والكروش .

وبالعودة للرواية فقد إخترت أن أنقل مقطتفات منها حتى يكون النقد من متن كلامها .. وسأضع المقتبس منها فى ثلاث محاور هامة 

أولا : مدى تمسك المسلمون بالأندلس وقتها بإعتبارهم من عاشوا مجدها والأحرى أنهم المتمسكون بعدم ضياعها وإكتفاءهم بالأحلام والروئ وترديد الشعارات وتخدير الضمير بأوهام لم تعد تتناسب مع التطور المتسارع فى العالم أجمع 

"غرناطة ساقطة لا محالة,وابن أبى الغسان كان أحمق يريد لنا خوض قتال لا قبل لنا به.الحمدلله أنه مات وأراحنا واستراح" ص17

"هل أعطبه الأسر وهزمته الهزيمة,أم أنه المسطور فى اللوح المحفوظ؟وهل يسطر الله فى لوحه هزيمة عباده الصالحين؟!"ص23
"وكان هؤلاء القشتاليون فى أبهى حالاتهم حين يعتلون خيولهم ويمرون فى ركب تسبقه البيارق الملونة ,وحاملو الطبول ونافخو الأبواق فيصبح الطريق بهيجا كيوم العيد.فلماذا كل هذا الحزن لدخولهم المدينة؟!" ص25

"ولكن جاراتها ,حين حكت,أنصتن باهتمام وتناقلن ما سمعنه,فما انقضت ثلاثة أيام حتى صار الخبر مشاعا فى البيازين.كانت نساء الحى المجتمعات عند الفرن وعند مضخات المياه فى المغسلة وعلى باب الطاحونة والمعصرة,يعدن رؤيا مريمة ويزدن عليها." ص250

"غرناطة العرب صارت كالغانية ترقص وتتعهر إرضاء لأسيادها لأنها خائفة.لا تأمن الأخرين يا على ,احذر القشتاليين ولكن احذر العرب أكثر" ص355

"علمتنى أمى منذ نعومة أظافرى أن ألجم لسانى .قالت لى :"ياعيد لا تثق بأحد حتى زوجتك ,فقد تختلف معها فى يوم من الأيام فتشى بك إلى الديوان" ص416

"ترى أبناء العرب فلا تعرف لهم ملة ولا دينا .يتحدثون بلغة الروم ويلبسون مثلهم ويسلكون سلوكهم .حتى فى الحى العربى تجد الشباب مجتمعين فى الحانة يعبون الخمر ويقطعون وقتهم بالسكر ولعب الورق,والقلة الغيورة على دينها لا تجد من يعلم أولادها الفقه وأصول الدين فيرسلون لنا بهم لنعلمهم." ص479

ثانيا : تكرار هروب رجال الدين من المسؤولية بدءا من الفتنة الكبرى وحتى فض رابعة ..يهيجون الجماهير ويوعدونهم بالجنة فى سبيل الله ثم يكونو أول الهاربين من المرابطين وأخر المضحيين فى سبيل الجنة !! خلل المبادئ عموما أدى لتحليل الغش والمرواغة والتقية والنفاق من أجل المصلحة والتى غالبا لا تأتى ويبقى العار شاهدا على التخاذل والضعف وتخدير الضمير 

"رأوا الهجرة الجماعية للأشراف وعلية القوم والأغنياء,..رأوا الأمراء يتنصرون.سعد ونصر ولدا السلطان أبى الحسن سمي نفسيهما الدوق فرناندو دى غرنادا والدوق خوان دى غرنادا وزاد سعد على أخيه درجة فالتحق بجيش قشتالة مقاتلا فى صفوفه.والوزير يوسف بن كماشة الذى فاوض باسم الأمة ,وأعد المعاهدتين العلنية والسرية كلل مسيرته بالتنصر ودخول سلك الرهبنة" ص 27

"لم يكن إمامهم شيخ المسجد ,ولا كان من كبار الفقهاء الذين حملوا أمتعتهم وهاجروا بعد إعلان الاتفاقية بأيام قليلة ,بل أمهم نجار مسن يعرفه بعضهم ولا يعرفه بعضهم الأخر." ص58

"فإن أكرهوكم على كلمة الكفر,فإن أمكنكم التورية والإلغاز فافعلوا,وإلا فكونوا مطمئنى القلوب بالايمان إن نطقتم بها ناكرين لذلك,وان قالو اشتموا محمدا فإنهم يقولونها ممدا,فاشتموا ممدا ناوين أنه الشيطان" ص146

"الهجوم على السواحل الإسبانية وتهريب المهاجرين من ناحية ,وتعاون البعض مع فرنسا بحجة إضعاف سلطة الإمبراطور ,تقوى الإتجاه القائل بأن عرب البلاد لا ولاء لهم للملكة ,وأنه لا حل سوى تنصيرهم أو ترحيلهم ." ص182

"أعلنت الجعفرية الفرح بنصر حققه الإنجليز.من هم الإنجليز؟قال شاب من الشباب:ليسو أفضل من حكامنا الأسبان .إنهم يتعاركون على السيادة والملك ,كل يطمع فى النصيب الأكبر.تطلع إليه الرجال مخذولين ,وهل يصح النعيق فى الأفراح .العرس مقام والبهجة مشعشعة كالخمر فى الرؤوس .كسر الإنجليز شوكة الأسبان ,مرغوا أنفهم فى التراب فشكرا للإنجليز ,أحب الأهالى الإنجليز." ص452

"مقاومة قرار الترحيل خطأ,سلوك أخرق نتيجته سفك الدماء .يملكون ما لا نملك من قوة .نرفع فئوسنا عليهم فيطلقون علينا من بنادقهم النار ويعملون القتل فينا فلا نجنى سوى الهلاك!قد تأتينا النجدة.انتظرناها مائة عام.يا إخوان:العقل زينة ,ليس الرحيل كله شرا,نترك أرضنا ولكننا أيضا نعود إلى أهلنا لنعيش بينهم معززين مكرمين ,لا نلتقى بمن يسبك قائلا :"عربى كلب!""مسلم جبان!".فى الرحيل نهاية لغربتنا." ص496

ثالثا : مدى هشاشة العقيدة الشعبية وضعف إيمانها وتطلعها البشرى للراحة تحت أى حكم مادام يحقق مصلحتها بعيدا عن شعارات دينية جوفاء لم توفر لهم الأمن والشبع .. والدليل سهولة الفتاوى بقبول التخلى عن الدين وحتى الأسماء مرورا بسهولة المعاصى كالخمر والزنا مما يؤكد أن الدين معاملة مش ترديد وفعل طقوس 

"قبل أن يأوى أبو جعفر إلى فراشه ,فى تلك الليلة ,قال لزوجته"سأموت عاريا ووحيدا لأن الله ليس له وجود!"ومات" ص52
"ألم يخلقها الله عقارب قارصة مؤذية ...لم تختر ذلك فلماذا يعاقبها الله على مالم تختره؟!" ص55

"وحدها سليمة كانت خارج الحزن والفرح تعايش سؤلا حارقا كالجرح هل الله شرير يقصد إيذاءها,أم انه سعد يمنحها مالايدوم فتتحول بهجة الهدية إلى ألم يسرى فى الروح يعذبها" ص120

"يعاقب الله الملوك الظالمين بموت أبنائهم وفساد عقولهم ,ولكنهم يحكموننا فنجنى ثمار جنونهم؟!يصعب أن يفهم الإنسان حكمة الله ,لغزها عميق وعسير ولست إلا امرأة عجوز."ص130

"لم تشاركهم سليمة الظهور ولا البكاء بل انسحبت إلى حجرتها.كانت تفكر فى الموت الذى يقهر ويذل,وفى الإنسان أمام الموت لا حول له ولا قوة ,وفى الله فى السماء العالية .هل يشاهد كل شيئ فى صمت ولا مبالاة ؟أليس هو الذى يقبض الروح ؟فلماذا يقبضها ولماذا يطلقها أصلا لتحط فى القلب حينا ,ثم يناديها فترحل تاركة عشها الدافئ قفرا؟بدا الله لها مبهما وغير مفهوم وجبارا إذ يحمل عباده مالا طاقة لهم به" ص148

"جلس حسن مع رجال لا يعرفهم وشاركهم الشراب..فى الكهف أتت له المرأة بمزيد من الشراب فشرب وضحك حتى سالت دموعه..فى الصباح لم يتذكر كم مرة واقعها " ص198

"يركضان ,يصطدمان بالحجارة,بالأشجار,بوهن جسدين حرمهما الله من الأجنحة."لماذا حرمت عبادك من الأجنحة؟!ألست قادرا على كل شيئ.فلماذا بخلت علينا,وماكان الأمر يكلفك سوى أن تنبت لهم جناحين؟!". ص261

"ثم سمعت مريمة بخبر مقتل محمد بن أمية .قتل,كيف؟!قتله حراسه!حراسه؟!تظاهروا بالوفاء وكانوا خائنين...جلست فى الرواق وكشفت رأسها وتطلعت إلى السماء وتحدثت بالصوت المسموع:"ماعدنا نطيق ,والله ماعدنا نطيق,فلماذا تبلونا بكل هذا البلاء؟هل طلبنا منك الكثير؟لم أطلب جاها ولا مالا.ماطلبت سوى أن أكحل قبل الموت عينى برؤية الصغار ,وأن أدفن بعد الموت,بما شرعته من غسل وكفن وأيات من أياتك تقرأ فى العلن على ,فلماذا تضن وأنت الكريم؟ولماذا تستبد وتقهر وتتجبر ,وأنت الرحمن الرحيم؟!...هل أتى أجدادنا جرما تعاقبنا نحن عليه ,أم أنك خلقت الكون للبشر بخيرهم وشرهم يسيرونه على هواهم كيفما يكون؟ولماذا تتركهم مادمت تعرف هواهم هكذا,شرس ولعين؟...قل لى لماذا تمنح خصومنا فرحة الزهو بالانتصار وتعلى مجدهم على أطلالنا ؟!هل هجرتنى ...هل هجرتنا؟!"ص341

رابعا : التجارة بالدين - أى دين - كانت التجارة الأرخص والأسرع على مر العصور ولم تتحرر أمة أو تتقدم إلا عندما أصبح دينها علاقة بينها وبين ربها فقط دون وساطة بشرية أو أغراض دنيوية :

"أصدر الملكان الكاثوليكيان أمرهما بالتنصير القسرى لكافة الأهالى ونشر المرسوم وأذيع فى الناس.كان على أهل غرناطة والبيازين الاختيار بين التنصير أو الترحيل" ص121
"لم يكن ذلك إلا وسيلة يا ولدى,وسيلة لتحقيق حلم سام نبيل يتلخص فى هدفين جليلين لا ثالث لهما :أن ينشر كلمة الرب بين من لم تصل إليهم من قبل فيضمهم إلى أحضان الكنيسة ,وأن يحصل على الذهب ليجرد حملة صليبية إلى الأراضى المقدسة تفتح القدس وتستعيد قبر السيد المسيح من أيدى من يكفرون به." ص178

"ندفع له الإيجار ,والضريبة ,ويوم السخرة نعمل فيه بلا مقابل فى الشهر مرة ,وندفع للملك ,وندفع للكنيسة فما الذى يتبقى لنا؟!" ص437

"يسمح بالبقاء لمن يزكيهم القسس بعد التأكد أنهم لم يخالطوا أيا من أبناء العرب لعامين متتاليين" ص489

يبقى أن أذكر أن الكاتبة رضوى عاشور زوجة الأديب الفلسطينى مريد البرغوثى وأم الشاعر تميم البرغوثى قد فاجئتنى بتناولها لقصة الأندلس دون مثالية تقترب إلى الوهمية كما فى أكثر خطب "الإسلام السياسى المتجمد فى طور ماقبل الحداثة".. كما أنها أمتعتنى بمفرداتها التى تنم عن دراسة حقيقية لمصطلحات تلك الفترة التاريخية فى أدق تفاصيل الحياة وقتها.

حلول ع القهوة ساعة عصارى

قعدة ع قهوة فكرنا ف حلول للأزمة الصحية .. اللحمة .. السكة الحديد .. ومسؤولين ف مكاتب مكيفة معاهم صالحيات فاشلين !!

- مشكلة الصحة..

لازم يتلغى الجمع بين العام والخاص سواء للأطباء أو التمريض وتجريم المخال .. الخاص مايبقاش عيادة يبقا مركز يضم ع الأقل 5 تخصصات متقاربة او متلازمة .. تعديل الأجور ف العام خصوصا ف الوحدات الصحية ف القرى والمراكز لجذب كفاءات .. مراقبة صرف الأدوية للمرضى ف العام لمنع فساد إهدار المال العام .. عدم الضحك ع الدقون ب مجانية العام وسرقة الفلوس ف العلاج من برا دفع مبلغ معقول مع مجانية حقيقية ف تأمين صحى شامل موحد يمنع التمييز والفساد .. حلول مركبة زى محطات مياة معالجة بجد مش فساد للحد من أمراضى الكلى المنتشرة وتكلفة علاجها العالية والتى تقل عن تكلفة الوقاية منها .. بحث علمى مركز ومكثف لأمراض بعينها تهدد الدولة إقتصاديا وأمنيا زى فيروس سى والسكر


- مشكلة اللحمة ..

 إعفاء عام من الجمارك والضرائب ع السلع الإستراتيجية مع وضع حد أقصى للسعر كما ف أغلب الدول منها تكافؤ فرص ومنها مراقبة السوق بنسب الربح العادل .. مجازر عملاقة ع الحدود الجنوبية للذبح اليومى للمواشى القادمة بأسعار منخفضة من المراعى الطبيعية جنوبا مع نقلها برا ونهرا يوميا لمراكز التوزيع ..

- السكة الحديد ..

 منع دخول مواطن للرصيف بدون تذكرة للقضاء ع التهرب .. القطارات للمسافات التى تزيد عن 50كم لتقديم سرعة وإنتظام .. كمسرى ف كل عربية لقطارات المراكز تحصيلا لأكبر عائد .. استثمار أراضى السكة الحديد ع جانبى المحطات والشريط ف خدمات تجارية وزراعية .. تخيل جانبى شريط السكة الحديد مزروع فاكهة او محيط المحطة مركز تجارى زى رمسيس دلوقت ؟؟

الحلول دى وليدة مناقشة ف ساعة عصارى مع فنجان قهوة .. وشايفها ممكنة ولا يمكن التحجج معها بإمكانيات أو وقت أو حتى تراكم مشكلات .. ناس كتير انا منهم عندهم حلول ومش سلبيين وهجومهم ع السلبيات هو خليط من الغضب والإحباط وعدم وجود أمل ف التغيير .. تخيلوا كم الحلول ال ممكن يخلقها مناخ بحث علمى حقيقى بإرادة سياسية حقيقة مش بتعميم الفساد لتساوى الفاسدين ولو تضادت محصلتهم من الفساد .. مصر كموارد وخبرات قادرة ع النمو والإذهار شريطة إرادة الشعب وحاكميه .

#قاسميات فيسبوكى ف أغسطس

لماصديقك الثورى اتصاب ف التحريرصدقت قتل المتظاهرين ولماصاحبتك الاخوانيةحبسوها حسيتى بظلم القضاءولماابن عمتى استشهد ف سينا ادركت خطورة الارهاب .. احنا كدا مابنشوفش الحقيقة الا لما تقرب وطول ماهيا بعيدة احنا عنصريين

يصنعوا السلاح وعايزين يبيعوه فبيعملوا حروب ويرموا فتات للاجئين بالظبط زى الحكام عندنا يسرقونا ومايدفعوش ضرايب ويزلونا بتبرعات هى اصلا حقنا !

بطئ النت المستفز مشجعنى اشترى حمام زاجل وأسس شركة QM 7amama تقعد TEdata ف البيت :D

ليه تستنى حلم ف منام ممكن يبقى كابوس لما ممكن ماتنامش وخيالك يعبيلك السحر ف فانوس ⁧‫#‏قاسميات‬⁩

مشكلتى مش مع المعرصين لأى إنجاز مهما كان وهمى .. لأنهم بيخدموا اكل عيشهم .. المعرصين مش بس بياكلوا عيش دى بقلاوة شهرية من فلوس وسلطة لازم يخدموها .. مشكلتى مع الحاج والحاجة ال صدقوا المشايخ ف أوهام تحرير القدس وعودة الأندلس .. ومصدقين العساكر من أول الظافر والقاهر مرورا بأكبر حقل بترول سنة 70 لحد النهاردة بأكبر حقل غاز ف التاريخ واحنا بنستورده من إسرائيل !!.. ياحج صدقنى انتا مابقتش عايش ع أمل دا اسمه عيشة عبط ضاع عمرك فيها انتا والحجة مستنين تبقا كفيل ويقولولك طال عمرك والحقيقة انك هتموت فقير ف مستشفى حكومة او حادثة طريق وابنك ال شقيت عشان تربيه يا هيقعد عاطل جنبك يا هيموت ف مظاهرة او ف البحر .. البلد دى لو كان مكتوبلها تتقدم ع إيد مشايخ أو عساكر كانت إتقدمت ف 10-15 سنة بالكتير مش أضغاث أحلام من سنين .. وتسيب المعرصين يقنعوك ان فات الكتير مابقى الا القليل ومع كل حاكم فاسد جديد يقولك مالناش دعوة بالقديم خلى أملك ف ال جاى كبير .. كل دا عشان تنسى التحرير .. سواء ميدان أو مبدئ .

قضية مريم ملاك كانت ممكن تخلص بيومين جزا لمدرس الكنترول .. بالكتير تكذيب وزير التعليم مع شعب نساى .. لكن غباءهم وصلوها لتشكيك ف الطب الشرعى والنيابة وطبعا القضاء .. حتى ايهاب رمزى محامى النظام مستاء ولبنى عسل بتقولو للأسف ماقدمناش غير المسار القانونى !! ..شكلها محدش هيحس بالفساد ال لما يصيبه .. ملحوقة الدايرة بتضيق وكلنا طالنا من الخراب زبالة ‫#‏ريحتهم_طلعت‬‫#‏ستسقط_دولة_العواجيز‬ ‫#‏مصرين_يجبروا_الشباب_ع_الانتقام‬ ‫

الدولجية دلوقت افتكروا ان أمناء الشرطة فئة وسخة جاهلة مرتشية فاسدة مفسدة .. ناسين تبرير زيادات المرتبات والمعاشات لمؤسسات تم إثبات فشلها اكتر من مرة ف اخر 3 سنوات !!.. بينادوا بنزول الجيش زى 86 .. صدقونى أمثالكم سبب وصولنا للعشوائية الحالية .. أنظمتكم مرتعشة عندها فواتير لازم تسددها .. دا التطور الطبيعى لنجاح سياسة لوى الدراع .. مافيش عدل ولا حقوق .. كل ما سلطتك تكبر وتأثيرك ف حماية النظام يزيد طالب بكل ماهو عجيب وهيتحقق .. شوية مناوشات لزوم تبادل الضغط وظبط المشهد وكله هيرجع لحاله .. لكن اللعب بالنار مسيره يوم ويحرق .. والمجاميع تخرج من سيطرة المخرج .. ونفاجئ ان الفيلم بيخلص والأبطال كلها بتموت .. وغالبا محدش بيهتم بقيمة اللوكيشن الا وهوا بيتفاوض ع الأجر لكن ساعة الجد .. الكل بيراهن ع انه يكون أخر من يتطربق عليه الديكور .

حتى لو أبانا الذى ف الانتخابات عايزنا نبص ع العصفورة فغطى ازازة ماية اكوافينا بمنديل ف المؤتمر الصحفى كأنه جايبها من بئر الخطيئة .. انا هبص ع العصفورة .. مش عشان احلل مرتبه ابسلوتلى عشان انا مش ناوى ازعل اصدقائى المكبرين دماغهم من السياسة واصدعهم بتحليل عميق لوضع تافه فعليا .. بس برضو انا مش هزعل اصدقائى المهتمين واسطح القضية ال اتساوت بالأرض فعليا .. صلى ع النبى ومجد سيدك بلا انتخابات بلا بتنجان .. صدقونى الوضع بجا جيم سنجل مافيهوش اهتمام بالأخر محصلش حتى الدوجى ستايل

لحد كبير مشكلة الدكاترة المتنكين الفشلة الفسدة ولاد الشراميط انهم ماصاعوش ف حياتهم .. دى شوية عيال مبربرة متنية فضلت تدح ف نظام تعليم فاشل فاسد دخلت كلية تمويت ف عالم تالت دحت وحفظت اكتر واتخرجو مصدقين انهم دكاترة مش حلاقين صحة .. عارفين لو صايعين كانو عاملو المرضى كزباين وضحكوا ف وشهم اهتموا بحالتهم مش عرص يزعق ف ست كبيرة نايمة ع الأرض م الألم ويشدها تشتمه لحد ما شيلتها انا ووقفتله وشرموطة مش عايزة العيانين يقعدوا ف مكتب الدكاترة المكيف ويفضلوا ف الحر ع الأرض برة .. تخيل كروتة التقارير قبل عملية وتستيف ورق بدون فحوصات وف الأخر انتا ال بتمضى اقرار تحمل مسؤولية العملية ومضاعفاتها ولهوجتك ع اوضة العمليات كانك رايح تركب مكوك فضائى وتفاجئ بعد ساعتين لسه المريض مستنى الخول بتاع التخدير وشوف مات كام مرة من اوهام الانتظار .. لو كانو صايعين كانو ثبتونا حتى لو العيان مات عنينا هتكون مكسورة بتعبهم معانا لكن بجاحة بنت وسخة ولما تسب الدين تبقى مدير .. بحق ألم ابويا الجسدى وألمى النفسى انا عندى مبرر كافى انى اقتل اى حد دلوقت بدم بارد .. البوست دا بكتبه من الساعة 12 الضهر وكل ما اقول مش هنشره تحصل حاجة تعصبنى .. عملية قالو هتاخد ساعة خدت 9 وابويا ال كان مفروض يروح هبات معاه وربنا يستر من ال جاى .. لا نافع الخول ابودقن ولا العرص أبو شورت كلهم ف الوساخة سواء .. دين أم البلد ال بتقتل شعبها ودين أم الشعب ال بيفشخ ف بعضه .. ودين اهلى ان ماهاجرتش وفضلت قابل بالعيشة ف الزريبة دى .
ملحوظة 1 : اصدقائى الأطباء طالما انتو واثقين من برائتكم من تهم الفشل والفساد والخولنة والشرمطة مافيش داعى للتعليق لأن دا مش هيغير من قناعاتى
ملحوظة 2 : المؤمنين بالجنة للفقراء والابتلاء للاتقياء يمتنعون لحد ماشيخ الأزهر وبابا الاسكندرثة يتعالجوا ف مستشفيات مصرية
ملحوظة 3 : دعاة الفضيلة والأخلاق يمتنعون برضو انا انسان لسانى طويل خصوصا مع الأشكال الوسخة
ملحوظة 4 : البوست دا اخر شحنة قبل الفرهدة لحد مااشحن طاقة تكمل معاهم السهرة لبكرة

ماهو انا مااشتمش الدكاترة حتى لو الفشلة منهم بس وازعل منى اصدقاء زى العسل سواء صرحوا أو لع واسكت ع كدا !! هل تعلم انك ب 50 جنيه تقدر تركب طقم التمريض بالكامل ذكورا ونسوان .. وكفاية اقولك ان مس عنزة الكلبة ال ماشوفتش طيزها مفارقة المكتب من 3 ايام ليا معاها يوميا خناقة عشان بنت الوسخة ماورهاش غير تبعت جاموسة من بتوع النضافة تنادى ع العيان بصوت غبى وتطلب طلبات مالهاش معنى من الأعراب الطبى سواء رسم قلب الساعة 8 الصبح بعد عملية أو حقنة مضاد حيوى العيان بالفعل خدها من ساعة وهيا خريانة مادريانة !! الأشكال دى لو مامارستش معاها السادية اللفظية هتمارس معاك كل ماهو مميت طبى .. الأصل ف المعاملة الشك ف كل ولاد الشرموطة مرتدى البالطو الأبيض فاتحىين الجيوب لكل ماهو فلوس حتى لو عشان ابسط حقوقك كمريض .. الأمن دا بقا قصة لا تقل وساخة عن اى حاجة ف اى مستشفى حكومة شركة خاصة يملكها مواطنون فاسدون شرفاء نظاميا لبسوهم اسود ف اسود ومسكوهم لاسيلكى فصدق الخول انه اتحول حكمدار العاصمة وداخلين طالعين يسألوك عن الاتاوة ال مسمينها جواب مرافقة أو زيارة لكن سهل جدا تعدى بورقة نتيجة طالما بيضا وعليها اى كتابة سودا لانى بالتحاور مع بعضهم لقيتهم اميين بكل ماتحمله صفات الأمن المركزى من معنى .. الاداريين بقا جزء من الجهاز الادارى للخرابة ومش هقول اكتر من كدا عشان مغلطش
ملحوظة 1 : لو كنت من ال اتعودا ع الأحداث دى فنشكركم ع حسن تعودكم معنا وسيب غيرك يتفاجئ يمكن التكرار يوصل الرسالة للحمار
ملحوظة 2 : لو فيكم من هم شايفين ألفاظى أكثر اباحية من الواقع فممكن تحط مكان اللفظ ال خدش حياءك شريطة حمرا وبص بعيد عن أكونتى
‫#‏يوميات_مواطن_مبضون‬ ‫#‏كسميات_مصرية_للعيب‬ ‫#‏عايز_تانى_هديك‬

طيب الدكتور ف مستشفى حكومى يبقا قرفان ومش طايق المرضى عشان خول ومش قادر يتشطر ع الحكومة ال خزوقته ف تعليم فاشل ومرتب اقل من فراش ف الداخلية .. لكن الدكتور ال نروحله ف عيادته الخاصة وبعد ماجاب العربية والعمارة والمزرعة واشتهر من عرق الغلابة ضحايا وبينهب ف فيزيتات وبرضو الخول يقابلك بكشرية وسدة نفس وكروتة ومبررات ان حالتك مسؤولية اى حد غيره مع ان نفس الحكومة ال خزوقتهم سوا بوعود عن الوطن والجنة ومعيشاهم عيشة مش عيشاها الكلاب البوليسية هيا ال سابت واحد يغتنى حرام ع حساب واحد معدش مكفيه الحلال !! ‫#‏محروقة_غابتكم‬ ‫#‏مصر_تولد_الكفر‬ ‫#‏اللهم_هجرة_بلاعودة_اوموتة_بلامرض‬‫

زملكاويتى ابتدت عند زمان لكن حبيت الفانلة البيضة وكان أول قلة مندسة انحازلها حتى ظهر ابوتريكة وفريق الأهلى الاسطورة وقتها وتعادلت الكفتين حتى جاءت الثورة وفكتنى من الكورة مخدر الشعب من 1998 وبعد مذبحة بورسعيد كرهتها نهائى .. سبت السياسة فحنيت للكورة اه مش زى الأول بس اهو تسلية لحد الدفاع الجوى وقولت ستوب .. صعود مرتديلا رئيسا للزمالك أعاد حسباتى ف الفكرة الزملكاوية بحالها حتى ازمة احمد الشيخ .. سيبك ان مافيش نادى فيهم جمد نشاطه عشان شهداءه لكن بكل حيادية انا بيبهرنى ثقة كيان الأهلى ف عز تبعية ادارته للنظام لكن عند أول أزمة يصبح الأهلى دولة .. ف المقابل مرتديلا زى ولية رداحة ف بير سلم بيت شعبى .. لغة محمود طاهر لغة ادارة محترفة مسنودة بقوة شعبية حقيقية مالهاش ف العشم والتصالح بالحب ويقينى ان الأهلى سينتصر اداريا ع البلطجة والردح .

الاسعاف ف مصر تلاقيها ف مظاهرات المؤيد والمعارض الارهابى والمسالم .. محدش فكر يتعرضلها وهيا مامنعتش حد م العلاج .. المتفائل هيشوفها "البرادعى" والكئيب هيشوفها "ابو الفتوح" .. وانا بدعو لحملة للتصوير مع الاسعاف بدل الدبابة :D

الشعب والإسعاف ايد واحدة .. الإسعاف كانت ولاتزال رمز الحياد الحقيقى ف مصر

علمت أن "مسير العلق تجيبه طيزه" فهدئ غضبى .. وقررت أن العرص لا يستحق الرحمة فتبسم ثغرى:D ‫#‏مثلى_الأعلى‬ ‫#‏صلاحية_أبدية‬‫#‏ال_يتكسف_م_الواقع_مايعيشوش‬ وال يتكسف من بوستاتى مايجبش منها معلومات :D

مين بيقول محصلش تغيير؟؟!!..الحر اهو انضم للماس الكهربائى وهبوط مفاجئ ف الدورة الدموية والاخوان ف شماعات الدولاب الوطنى لتعليق الكوارث #‏قاسميات‬‫#‏كوكب_بطوطو‬

اراهن ان محدش من الموظفين ال نزلوا تظاهروا بخصوص قانون الخدمة المدنية الجديد قراه بالكامل ولايحته التنفيذية واراهن أكتر ان ال وضعوه مش عارفين ثغراته ولا حل مشاكله وتسوية اوضاع المتضررين منه .. ببساطة سادية ف وضع القانون وغشومية ف الإعتراض عليه وقانون الغابة هو المتحكم .. الموظف مش عايز تقييم يرقيه او يزوده فلوس هوا عايز استمرار نظام الاقدمية والمنحة ياريس والدولة مش عايزة كفاءات ولا افكار برة الصندوق هيا عايزة استثناءات تعرف تكافئ بيها معرصيها ف كل المؤسسات وكمان تحجم بيها الخارجين عن القطيع .. مازلت مؤمن ان حل معضلة الجهاز الإدارى ف مصر هو نسفه .. تسريح من فوق الاربعين مع إعطاءهم كامل حقوقهم لحد المعاش تكفيرا عن خطيئة تعينهم والبدء ف تكوين جهاز جديد رشيق طبقا لمعايير دولية يمكن تطويرها والاستفادة منها .. اى حلول غير كدا مابقتش حتى تنفع مسكنات بالعكس دا إصرار استمرار العلاقة بين العبد والفرعون .. العصاية والجزرة .. يكربجه فيطاطى يجنحر يترحم . ‫#‏الغابة‬ ‫#‏الإعجز_ف_ترسيخ_الفساد‬ ‫#‏ماتفوتش_علينا_أبدا_يامنطق‬‫

مع انه عيب اوى اتكلم عن انتخابات ف بلد ذات نظام احادى وحيد وحدوى لكن من باب الزيطة وتمرين الذاكرة احب افكركم بسادية الحكم الجديد حتى سياسيا .. ف انتخابات سميت رئاسية جابو طرطور اسمه حمدين طوعا او كرها ودخلوه الانتخابات ونفخوه وطنية وثورية وهوا عارف انه مالوش فرصة .. السادية انهم طلعوه من الانتخابات بفضيحة مدرسة ممسوكة ف شقة طلبة .. بالمثل ال حصل من الاخوان من اغتيال انسانى وطنى سياسى لشباب حزب الدستور و٦ ابريل رغم انهم ما نجحوشى الا بعد اتفاق فيرمونت ووفاقهم مع نفس الشباب .. وهكذا وبمد الخط ع استقامته ما يحدث للوفد دلوقت ماهو الا امعانا ف السادية .. هتشارك ف الانتخابات صورة بس ومالكش حق حتى تندمج ف دور الكومبارس .. هل التاريخ سجل مرة ان واحد عرص قال لع ؟؟!!.. مع كل دا انا ع يقين ان تأجيل الانتخابات ولخبطة وضع القانون ودربكة المرشحين مخلياهم متوترين لأنهم مش لاقيين ناس ثقة .. البلد كلها من بعد ١٩ مارس ٢٠١١ بتخون بعض واتحدى ٢ مختلفين ف الراى حاليا ماعندهمش شك ف بعض .. قريبا جداً السادية هتبقى ادمان وهيجان هيعمل فيضان محدش هيوقفه وانتشاء السلطة سيطيح بكل من فيها من داخلها وليس خارجها .. فقط أعيدوا ضبط مقاعدكم الغير برلمانية واستمتعو بالعرض الأرخص ع الإطلاق . ‫#‏احادستان‬ ‫#‏موتو_بشككم‬

ألا صحيح هما الدولجية بيزعلوا ليه من مصطلح"التفريعة"مع ان نظامهم بنفسه أعلن تطوير مشروع ميناء "شرق التفريعة"ال طولها 40كم مش 35 !! يعنى كلمة "تفريعة" مش عيب أهو ونفس النظام بيستخدمها ف مشروع جديد أهو.. ياترى دا غضب ع بورسعيد ولا إثبات ان الدولجية معاهم ولو للعباسية  ‫#‏التفريعة_مش_شتيمة‬‫#‏تعالو_التفريعة_ونجيب_سميرة‬ ‫#‏خلاص_قناة_ياقناوى_يابنى_بس_إلبس_القميص‬ ‫#‏قاسميات

طالما انا بيتخصم منى 20% ضريبة دخل من المنبع وبدفع 10%ضريبة مبيعات ع كل سلعة اشتريها غير ضريبة ع العربية وعقارية ورسوم ودمغات وتراخيص ومش شغال ف الحكومة أو واخد ارض مدعومة وحتى ماعنديش بطاقة تموين .. يبقى اسف يامرضى فيروس سى مش هقدر اتبرعلكم .. مش ذنبى ان الحكومة اساءت ادارة مواردها .. ولا ذنبى انها فسدت ف تحصيل مستحقاتها من رجال اعمال فاسدين وموظفين حرامية .. حق الدولة عند نظام مبارك بس لاقبله ولا بعده يكفى علاج مرضى فيروس سى ومرضى الفقر والجهل كمان .. خلى المرضى يستنوا جهاز عبدالعاطى ال رقصوله يعالجهم مجانا .. أو الحكومة تعمل شهادات بفايدة 15% عشان ال دفعوا للقناة يدفعوا لفيروس سى .. واهو بالمرة نلغى المناصب ونعيش بالحب كل مانتزنق ف مشكلة نلملها . ‫#‏قاسميات‬

فاكرين الناس بتوع "بوستاتكم بتأثر ع معنويات جيشنا" لما كنا بنسأل عن مسؤولية القادة ف تأمين الجنود خصوصا مع تكرار الضرب لنفس الكمين..اهو الناس دول دلوقت بيكتبوا"كأبتكم هتوقف زيادة ايرادات القناة"..وطبعا زى ما تجاهلنا هبل تأثر معنويات جيش ف حالة حرب ببوستات الفيسبوك هنتجاهل عبط ربط ولاد الكئيبة بعائدات مشاريع مدروسة معجزات ابهرت العالم..بس لو بوستاتنا بتحرقهم وبتفكرهم بكدبهم ونفاقهم وازدواجيتهم فياريت يسيبولنا وظايفهم ومنافعهم من الأنظمة عشان نحب مصر زيهم ونسكت أو يسفرونا برة زيهم عشان حب البلد من براها سهل مابيكلفش اى نقد لمرض وفقر وجهل..غير كنا هتستمر بوستاتنا ومع الوقت مش هتنفع تفضل شماعة مهما كان الشعب غبى اهو جرب وقف المظاهرات ولسه عجلة الانتاج نايمة وبكرة يفهم ان بوستات وتويتات ماتوقفش مشروعات..ربنا يكتر افراحكم ويزيدكم استقرار ويرزقكم بكل ال بدعيه ليكم #‏قاسميات‬

طول الليل امبارح وشوارع بورسعيد مليانة رقص وزغاريط..مشهد ماشوفتوش من كاس الأمم الافريقية 2008..وعشان انا غاوى تفاصيل فكرت ف كينونة هذا الشعب العظيم..هل هو شعب زياط بيتنشق ع فرحة والسلام؟؟..هل هو شعب جاهل سهل يشتغلوه ويصدق ويهلل ويتنطط؟؟..لكن بعد شوية تأمل ف أحداث اخر 4 سنين وصلت لسبب تانى أدق..الشعب بتاعنا بيعرف ياكل عيش..ينادى المنحة ياريس ويغنى اخترناه ف عهد مبارك..ينزل الميدان ويعلق صورة الشهداء ف 25 يناير..يلبس بدلة ظابط ويغنى خلى السلاح صاحى ف عهد المجلس العسكرى..يربى دقنه وتلبس نقاب ويشجع غزوة الصناديق ف عهد الاخوان..ودلوقت طبيعى يعتبر التفريعة الجديدة اهم من الشريان التاجى.. عارف اننا 90 مليون وكل فصيل وليه جمهوره بالملايين لكن برضو الاغلبية مصلحجية ماشين بمبدأ ال يوكلنى يبقا عمى..لكن الابشع ان كل شوية فرحتهم ماتحلاش الا بالشماتة ف الأخرين..الدولجية يشمتوا ف سجن الشباب وقتل ال ف رابعة .. والدقنجية يشمتوا ف ضحايا ارهابهم وفي كساد الاقتصاد..الخ الخ .. من حقك الفرح لا اراديا وتستنى نصيبك ف مليارات القناة زى ماغيرك استنى نصيبه ف مليارات مبارك ومليارات الاخوان . ‫#‏حكم_مصر_اسهل_من_ركوب_العجلة‬‫#‏شعب_مبتزل_بطبعه‬ ‫#‏فرحة_الاعمى_بألوان_الطيف‬ ‫#‏قاسميات‬

وانا مروح ف طريقى قسم المنيا الجديدة شد انتباهى الحواجز العازلة للقسم عن محيطه اتحولت من اكوام رملية صخرية الى حواجز أسمنتية ملونة بعلم مصر !!.. بعد تأمل لقيت ان المغزى معنى من 2 .. لو انتا ف مدرجات الثورجية هتشوفها كناية عن مصر السجن ال حابسهم وحامى حراميها .. ولو انتا ف مدرجات الدولجية هتشوفه شعار ستوب كله من أجل أن تحيا مصر .. هيجى طرف تالت يعمل عميل ويقولى فين المصدر .. دا بقا أقوله مكنش عندى استعداد أخد طلقتين من سبع الليل وهوا بيحارب اعداء الوطن ومافيش احتمال ف دماغه غير انى ارهابى متصدقنيش يا سيدى أنا راجل لعين  ‫#‏أنا_أخر_واحد_يروح_ف_العمارة_دى‬ ‫#‏أنا_مش_معاهم_يامراقب‬‫#‏السور_من_السرور_خليك_أمور‬  ‫#‏قاسميات‬

لماذا فضوا رابعة ولم يفضوا التحرير ؟

مين قال انهم مافضوش التحرير؟!..منذ 2003 وأى تجمع معارض بجد كان يتم مقاومته بسادية من المهد للقتل حتى 28 يناير2011 حين إنكشفت أسطورة خيال المأتة الأمنية ال الناس كانت عاملة حسابه أكبر من حجمه.من بعد 28 ينايروحتى 11 فبراير 2011 لم يحاول النظام علنا فض الميدان حتى موقعة الجمل وإن أجمعنا ع أنها صناعة نظامية فكان متصدرى المشهد من بلطجية النظام الغير رسميين . 
مش محتاج أعدد أسباب عدم الفض الرسمى للميدان والتى يمكنكم الرجوع لبعضها ف تدوينة سابقة بعنوان "كروتة الثورة" لكن تلخيصا لم يكن هناك عذر لدك الميدان وقتل الثوار ف التحرير.ليست نخوة أو أخلاق أو وطنية النظاميين ولكن ضعفهم وخوفهم من العالم بالخارج ورغبة الخبثاء منهم ف عدم هد المعبد رهانا ع فرصة قادمة ربما تلوح بالأفق.كيف سيقتلون ثوارا يغنون؟!..كيف سيحرقون خياما تشع بالأمل والبسمة؟!..كيف سيدكون ميدانا إجتمعت فيه صفات قرأناها عن مصر ولم نحياها؟!!.ميدان التحرير شهد الوحدة الوطنية الحقيقية..الإيثار الحقيقى..العمل الجماعى بجد..الشباب الطاهر فعلا..المواطنين الشرفاء يقينا..تسويق فكرة العمالة والخيانة والمؤامرة والإرهاب خلال ال 18 يوم كانت مستحيلة..رهان غبى لنظام رغم غباءه لكن مجرميه أكثر ذكاءا من سياسييه .
ثم حدث الإنقسام ف 19مارس2011 الشرخ الحقيقى ف نسيج الوطن..وهنا أيقن النظام الذى لم يسقط أن الفرصة حانت ولم يدخر جهدا ف إستغلالها..وصعد الدقنجية بسرعة الصاروخ..أوهموهم أنهم الأكثر تنظيما وصدقوا..أنهم الأقوى تأثيرا وصدقوا..أنهم الأغلبية وصدقوا..ولم ولن يدركوا الخدعة لأنهم مازالو قابعين ف الدرك الأسفل من الوهم !.
أكثر الكارهين للإخوان تحديدا وتيار مايسمى الإسلام السياسى مع أغلبية المدركين لحقيقتهم لم يتوقعوا ضحالة فكرهم وصميم غبائهم..حتى محللى انتخابات2005 واضحوكة 2010 وخنوع 31 يناير وقبلها خيانة25 يناير .. كل هؤلاء لم يتوقعوا سرعة منحنى الهبوط ف ذروة أوهام الصعود.
تصاعدت الأحداث وتسارعت من الحارة المزنوقة لسكينة الكهربا ومين الساعة مع ميركل لخرافة انتاجية القمح يغلف كل هذا فنكوش النهضة وعنصرية العشيرة وإرهاب القواعد ف الريف والصعيد.توهم الإخوان سلطة حظى بها مبارك بعد 30 سنة ف اشهر معدودات فراحوا يسهلوا عمل مكينة الإنقسام والتقسيم.خانوا جميع الرجال المحترمين وتحالفوا مع كل كلاب السلطة.قالوا رجالة من دهب وأبطال العبور الثانى ووزير بنكهة الثورة إلخ إلخ.
وكانت تمرد..إختلفنا أو إتفقنا ع بدايتها لكنى شخصيا لا أستطيع إنكار حتميتها..كن لابد للخائن أن يرحل وللعنصرى أن يفشل وللغبى أن يسقط...إلى أن جاء 30يونيو2013 ونزلت رهانا ع أخر أمل للتغيير السلمى ولكن مرسى ونظامه وجماعته وعصابته كانو عند حسن ظن نظام مبارك فيهم وأثبتوا خبرة نظام مبارك عنهم..عندوا وتغابو حتى 3يوليو 2013 اليوم الذى أعلن فيه نهاية ثورة 25 يناير وعودة نظام مبارك وتوقفت وتوقف الكثير مثلى عن الإهتمام والمشاركة ومن ثم المسؤولية .
40 يوم إعتصام عنصرى لا صوت فيه يعلو فوق صوت التهديد والإرهاب..40يوم حشود مدفوعة الأجر تملئ ميادين المحافظات تراهن ع جهل وغباء تابعين لا يفكرون وراء الدقن الأطول والكرش الأكبر..40 يوم وعيد بالجحيم للدولة والشعب ..40 يوم سب وقذف لجميع المخالفين ف الرأى .. 40 يوم خرافات ينكرها كل عقل غير مغلف بالجهل .. 40 يوم إستعراض لمهارات التفجير والتلغيم .. 40 يوم من إشهار السكاكين والسيوف واقامة الحواجز وذبح العجول .. 40 يوم بث مباشر شاهده الناس ف الداخل والخارج لم تصدر رسالة واحدة تؤكد وحدة أو تمنح أمل أو تجذب تعاطف .. 40 يوم تباهى بذبح المعارضين وتهجير المخالفين والعودة للحكم ع جثث الليبرالين والمسيحيين والمسلمين أعداء دين مشايخهم العنصرى المغموس ف الجمود المزدوج ف الحكم طبقا لهوى مصالحهم . بعد كل دا ولما الشرطة عملت أصح خطوة ف تاريخها الحديث بتصوير الفض مباشر وتوفير ممر أمن وتصوير الأسلحة ف أيدى المعتصمين نلوم الشرطة وننسى المشايخ المجرمين . 
لست ممن أعمم تهم الإرهاب ع كل الإخوان أو السلفيين حتى وان عمموا هم تهم الكفر ع كل معارضيهم .. لكن إن كنت ممن تعرف برئ قتل ف فض رابعة فأول من قتله شيوخه الذين تركوه ف إعتصام من أجل الجنة واحتجبوا ف الدنيا وتوارو انتظارا للعودة ع جثث تابعيهم !!.. اذكر اسم قائد من قادة الإعتصام المبين قتل ف معركة الدين ؟؟!! .. اقسم انك ع يقين من استحالة المصالحة ف المستقبل ؟؟..
 قولت ولن أتراجع أن وجود بندقية واحدة ف إعتصام تنفى عنه صفة السلمية ولو من لا يحملون البنادق ألف..رضاك عن هتافات عنصرية وخطابات تحريضية لا تثتسنيك من تهمة الإرهاب وان كنت أضعف من مجرد تابع..تسليم عقلك لحفنة من المنافقين يقنعوك بجهاد قائم ع الإنتهازية والإجرام والظلم لا يعفيك من عقوبة التستر ع مجرم مابالك من تقديسه.
مش بكتب عشان أقيم حدث أو تأريخه..بكتب بس تذكيرا بفكرة ماغابتش عن بالى..بلاش نصنع الأصنام ونعبدها وتتغير مبادئنا ف يوم وليلة..مش معنى ف مظاليم ماتو ف رابعة إن قاتلهم هو من أطلق عليه الرصاص..قاتلهم م الأول كانو مشايخهم وغبائهم وعنصريتهم.ويقينى أنهم إن عادو للحياة وعاد الإخوان ف الحكم لن يندموا ع مافعلوا ولن يتراجعوا عن ما أجرموا..ولكم ف داعش أسوة قذرة.
ماتنساش ان ال هدد بحرق الكنايس ماينفعش يتبرأ من تفحم مبانيها .. وان ال توعد بالتفجيرات ماينفعش يتبرأ من ضحايا القنابل .. زى ماهو ماينفعش إن ال تحلف مع المجلس العسكرى وساب الميدان يشتغلنى النهاردة أنه ضد الإنقلاب وعايز يجدد الثورة . 
خانونا وخنتونا وسبنالكم الصراع فياريت ماتستنوش مننا غير كل صمت .

وكسة يوليو .. منحنى الهبوط لقاع الإستقرار

الموضوع دا ماينفعش يتكتب بالنحوى لأن بجملت الإنحدار مابقاش عندنا قراء للعقاد وطه حسين بقا عندنا متفرجين ع صافيناز والقشاش ..
من غير طنطنة ونفور ف عروق الدولجية لو كنت حفيد حد من "مجلس قيادة الثورة" او تشغل منصب قيادى اعتبرنى من الكولجية وفوكك منى ولو كنت زيى مواطن عادى اقرى يمكن تطلعلك بمعلومة مين عارف ..
عشان الموضوع يبقى واضح وبسيط هقسمه لخمس محاور ع السريع .. 

أولا : مصر كانت إيه قبل 1953 
"كان الجنيه الذهب يساوي (٩٧.٥ قرش صاغ مصري) ، والجنيه المصري أقوى من الاسترليني والدولار والريال والمارك الألماني والين الياباني"(شوف قيمة الجنيه الورق قبل الدهب كام النهاردة) , وفي العدد الصادر من مجلة "المصور" في 5 ديسمبر  عام 1952 نطالع قوائم دقيقة لثروة فاروق الحقيقية ، ففي مجال الأطيان والأرض الزراعية تبين أن مجموعها 24 ألفاً و73 فداناً و16 قيراطاً ( ف اشخاص حاليين يملكون أضعاف هذه الأراضى ) والأرقام عمرها ما تكدب ومش هدخل ف تفاصيل الشوارع والأخلاق والفن والأدب والسينما والسياسة إلخ إلخ .. ومع ذلك قالو فاروق بتاع نسوان وخامورجى وسارق قوت الشعب فقرروا يعملوا "ثورة" عسكر بس بدون أى محاول لترويجها بين المدنين من أى طبقة أو طايفة !!

ثانيا : نجيب وناصر والإخوان 
حصل ال حصل وهوووب صدر البيان والناس صدقت وتعاطفت واستنت تحقيق الكلام عن أهداف الحركة المباركة :

(1) القضاء على الاستعمار وأعوانه..
(2) القضاء على الفساد وأعوانه..
(3) القضاء على الإقطاع..
(4) إقامة جيش وطني حر..
(5) إقامة عدالة اجتماعية..
(6) إقامة حياة ديمقراطية سليمة..

 وبعد ما شباب "الثورة" قرروا يعملولهم كبير رتبة ومقام يصدروه للشعب كان أول رئيس جمهورية بعد "الإنقلاب" ع اتفاق التنازل عن العرش من الملك فاروق لطفله ولى العهد .. مكنش مفاجئ أن ينقلب الشباب ع قائدهم ويعينوا عبدالناصر رئيسا بديلا وترويجه زعيما خالدا بدءا لعهد الخطب الحنجورية والأساطير الإعلامية ف عهد أحمد سعيد مؤسس فساد الوعى ومكنش ف مانع لتبرير تحديد إقامته بعلاقته بالإخوان (تاريخ مكرر ممل) , عبد الناصر كان عايز التورتة حصريا فعزل نجيب وحل الإخوان وعمل مذبحة القضاة وأسس المخابرات والحزب الأوحد ناهيك عن حرب اليمن ونكسة يونيو , وف وجود إعلام أحادى التوجه صنعو أساطير من قرارات كارثية زى التأميم للقناة والمصانع وخسارة الملايين ف تعويضات وحروب وسيادة وهمية ع أراضى محتلة عسكريا وسياسيا وإقتصاديا , وف غياب الانترنت وشريحة المحمول شكلوا وعى أجيال وأجيال وكانت بداية الشللية والأنانية .. ومن أولها وقبل ما تقول عليا اخوان او متعاطف معاهم .. أحب أؤكدلك ماهو بديهى .. أن العسكر والإخوان سواء .. وراجع تحالفهم حتى مارس 54 ومباركتهم لحركة يوليو ولولا الصراع ع السلطة وأنانية كل منهم رغبة ف الحكم المطلق ما اختلفوا .. لكنها فترات شد وجذب وحرب لا ناقة لنا فيها ولا قطة ..

ثالثا : السادات والسلام والإنفتاح 
رأيى أن السادات كان أكثر أهل العسكر دهاء لكنه كنفس الجماعة لا يرى إلا نفسه فرغم نصر أكتوبر لكن بنفس مصرى قصير استسلم للسلام وللأمريكان وعمل المعاهد وساب 99% من اللعبة وبدأ الإنفتاح واتولدت طبقة الكواشين والهليبة وابن ستيتة فتح توكيل ومكتب استيراد وبقا من البهوات .. ومنقدرش ننساله تحالفه مع الإخوان عشان يضرب الشيوعين ومراكز القوى وأنا شخصيا ماتوقعتش منه يربى الحية ف حضنه ويستناها تطلع أصيلة وما تسموش !! .. المرحلة دى كانت مفصلية بجد .. كانت بداية تزاوج السلطة بالمال وظهور اسماء عثمان احمد عثمان ورشاد عثمان .. كانت بداية إرتخاء الجيش وترك ساحة المعركة لعراك السياسة .. وانتهت بإعتقالات عشوائية وصدام شعبى وتجربة ثورة لم تتم وفتنة طائفية اتولدت كبيرة ..

رابعا : مبارك ثمار الغباء 
كعادة أى بذرة ف أرض لازم تطرح .. وسنين العسكر ف مصر طرحت ف عهد مبارك كل ما أنكره سابقيه وروجوا لعكسه معتمدين ع إعلامهم الأوحد .. 30 سنة كانت كفيلة بجنى ثمار الواسطة والرشوة الفاسدة .. تجريف العقول وتهجير الكفاءات وتصدر الهفاءات .. التوريث والتعريص وابن المستشار قاضى وابن الظابط ظابط وابن الرئيس رئيس .. 60 سنة بدايتهم كانت مصالح ممكن تتصارع زى ماحصل بين السادات ومراكز القوى لكن ع نهايتهم كان المصالح تتزاوج وبقت اسطورة "تشتكى الواد لأبوه" حقيقة حرفية لأن العلاقة بقا فيها دم ونسب مش بس واسطة ورشوة .. وبقا بديهى حمادة يورث منصب بابا وبعد ماكان بابا بيثبت نفسه ف منصبه حتى لو فاسد , حمادة بقا وارث المنصب ف حماية بابا وعمو وخالو وال مش عاجبه يغور يورينا أخر إيه .. وانشغل الجيش بمكرونة كوين ومياة صافى ومزارع عجول وسابو الحدود يدخل منها حماس ب 3000 عنصر طبقا لأقوال عمر سليمان !! .. ولما نزلنا نقول يسقط حكم العسكر أرهبونا بتهمة التخوين وإسقاط الجيش .. مع إنى وغيرى كتير كنا قاصدين إسقاط اللواء رئيس الحى الوزير التاجر المحافظ المدير الرئيس .. كنا عايزين تكافؤ فرص عشان نحمى الصانع العامل الدافع للضرايب من منافسة مؤسسة التجنيد الإجبارى والعمالة المجانية والإعفاء الضريبى الجمركى الرقابى .. عشان نلاقى حد يحارب داعش بدل ما يتضرب نفس الكمين للمرة التلاتين ونصحى ف يوم نلاقى جنودنا راجعين حافين !!..

خامسا: ثورة يناير أخر أمل محتمل 
طوعا او كرها هتفضل كلمة ثورة ف تاريخنا مرتبطة ذهنيا ب 25 يناير بس وجرب واسأل وشوف ..60 سنة إنحدار وتراجع وصولا ل ملايين تحت خط الفقر وملايين الأميين وفيروس سى وإختراع الكفتة وتوغل شرطة وفساد قضائى وانهيار ثقافى واجتماعى وسيطرة طبقة حاكمة وانعدام الأمل والفرص ومعايرة بإستقرار ف القاع وأمن خيال مأتة وتنمية سراب يتقرى عنها لكن ما تحسهاش ..  هنفضل مديونين لجيل اول ماشاف الفساد ثار عليه وغسل عار أجيال خافت تروح ورا الشمس أو تستقبل زوار الفجر .. كان أخر أمل ف تجمع سلمى راقى متنوع يمثل الشعب بجد .. كالعاده كروته العسكر وأفسده الإسلامجية .. مكنش متوقع أو قابل للنقاش استحالة التفريط ف امتيازات 60 سنة حكم .. كانت مجرد ركوب للموجة ورهان ع شهوة كلاب السلطة وإرهاب فاقدى العقل .. ونجح العسكر ف وأد الثورة ال كانت كفيلة بتطهير تاريخهم وبدء مرحلة جديدة لوضع صحى أمن للجميع .. لكن شهوة السلطة وعدم الثقة وفكر الجماعة خدهم وخدونا معاهم لأكثر مراحل التاريخ المصرى غموضا .. وبحجة الإستقرار زادت سرعتنا ع منحنى الهبوط .. ولا أشك أنه لا يشغلهم إلا الحكم حتى لو ع جثة الشعب ويكفيهم غباءهم تبريرا أنهم سيكونون أخر القتلى والجوعى والمرضى والمشردين .. بعد الشعب المصرى العظيم !..

المحاور خلصت ونفسى اتقطع وممكن ال تدوينة دى تحبسنى لكن كله يهون لو طلعت منها بجون ف دماغك .. لكن لو لسه معصلج وشايف عبد الناصر زعيم والسادات الرئيس المؤمن ومبارك صمام الأمان والسيسى دكر الرجال .. وكل ال احنا فيه سببه الشعب ابن الكلب .. فكفاية أديك مثل أخير .. فاكر على ابن الجناينى ال لقى واسطة ف الأربيعنيات عشان يدخل حربية ال مكنتش كلية بشاوات .. وكبر وشارك ف الظباط الاحرار وخد قصر بعد الإنقلاب وسرق مجهورات قصور الأميرات وبقا باشا واولاده شرطة ونيابة .. ودلوقت بيكتب مزكرات يعدد فيها الإنجازات والإعجازات .. ياترى بصراحة حتى لو بينك وبين نفسك .. لو على ابن الجنانيى دلوقت قرر يقدم حربية .. هيقبلوه ولا هيقلبوه ؟!! :D #تمت 

المظبوط ف إختيار أدمن للجروب (قصة كسيحة)

ف عصر اذدهر فيه الفيسبوك و كثرت فيه الجروبات والصفحات وأصبح العالم الإفتراضى ملاذ الشعب من جحيم الواقع المرير .. ومع ذيادة أعضاء المنضمين ودخول المنتفعين والمندسين ووجوب التحقيق والتدقيق .. حدثت حكايتنا .. 

تعالو نشوف ..

جروب كبييير أوووى فيه أعضاء كتييير أوى أوى وإدارته مكونة من 4 أشخاص لكل منهم حكاية بإختصار أوى

1- عبده المهم .. مؤسس الجروب وموظف ف جهة أمنية متنك أكتر من رئيسها وشاكك حتى ف بنطلونه وبيعاير الأعضاء بفضله لدرجة تحسبه بيعشيهم ليلاتى عند البرنس

2- الحكاك .. أكبر المديرين سنا والأب الملهم للأعضاء والناصح المخلص للعضوات مشوراته كلها انبوكسية ومعندوش مانع يخرط ملوخية لعضوة ولو اسمها روحية

3- الزياط .. أصغر المديرين سنا .. وأغباهم عقلا متطوع بالخناق مع الاعضاء ولا أمين شرطة ف قسم الأزبكية وغالبا لما يكبر العصمة هتبقى ف ايد مراته

4- المسيطر .. ودا بقا أخطر المديرين ورأفت هجان الجروب والعقل المدبر لكل فاعلية ..ماسح البوستات الأول والكومنتات الأوحد .. مشكلته وهوا صغير كانو بيضربوه عشان بيعملها ع روحه فلما كبر ماحبش يسيب الجروب يفلت من .. إيده

(مشهد نهارى انبوكسى ) .. إدارة الجروب مجتمعة لبحث أحوال الرعية ..

الزياط : مبروك يا بشوات الجروب بقا نص مليون عضو داحنا ممكن نقلبه محافظة 

عبده المهم : ياعم بس نرشح حد مننا ف مجلس الشعب ونلاقيهم 

الحكاك : احنا نفتح محل ميكب وأدوات تجميل عشان صور المزز تنور الجروب 

المسيطر : ليهم حق الناس تستتقل دمكم ياجماعة مايصحش كدا الاجتماع دا عشان نشوف هنختار أدمن جديد إزاى أحسن الإدارة تتسرسب من إيدينا 

عبده المهم : مانشوف اى حد تبعنا ونخليه ادمن عشان ماينفعش ندخل حد غريب

الحكاك : محتاجين بنوتة أدمن عشان البنات تتشجع تشارك وتتفاعل 

الزياط : نعمل اعلان مطلوب أدمن ونحط مواصفات صعبة عشان مايدخلش حد ف وسطينا مانعرفوش 

المسيطر : اول مرة تزيط ف حاجة صح بس لااااازم الشروط تبقا محطوطة بعناية 

عبده المهم : سيبولى الشروط انا هظبطها وانزل الإعلان 

المسيطر : طب مش نجتمع نوافق عليها الاول قيل ما تنشرها 

عبده المهم : (بنظرة فوق وتحت عشر مرات )انتا يعنى هتخاف ع جروبى احسن منى انتا نسيت انى المؤسس؟!!

(مشهد ليلى تايم لاينى)

عبده المهم : إعلان عن أدمن خامس للجروب سن لا يقل عن 30 سنة متزوج متواجد اون لاين 24 ساعة على دراية بتاريخ الجروب متحمل للمسؤولية يفضل من المدينة

أذكى إخواته : ممكن أخويا يقدم عشان أنا ف الجيش ؟؟

سهوكة : بليز يا ادمن بعتلك رسالة زعلانة ليه ماتنفعش بنت كيوتة مش مرتبطة

لابد ف الدره : هاى سهوكة ممكن نتعرف ؟؟

العميق : انتو ليه محسسنى انكم طالبين طيار مش أدمن لجروب فيسبوكى مش عايزين شهادات ميلاد ولاده بالمرة ؟؟!!

كله ماشى : اخيرا يا أدمنز قررتوا حد يساعدكم بعد كل التعب عشانا جزاكم الله كل خير

الخبرة : أنا متفرغة خاااالص

الزياط : الاعلان واضح وصريح وارجوكم بلاش ارهاق للادمنز انتو مش عارفين احنا بنتعب قد ايه واى حد هيستظرف همسحه حالا وال شايف نفسه مناسب يبعت

(انبوكس لسهوكة والخبرة اعتذار لجمعهم ف الغضب)

(مشهد انبوكسى ليلى)

الحكاك : جالكم كام متقدم؟؟وهنقرر امتى؟؟

عبده المهم : 10

المسيطر: هنعمل انترفيو للمتقدمين امتى عشان ابتدى ادور ف صفحاتهم واعرفهم كويس

الزياط : انا بقول ندى فرصة لبنت عشان ف ناس زعلانه من اننا عايز ادمن راجل بس

عبده المهم : المتقدمين 8 رجالة و 2 ستات سهوكة ورافعة القلة

الحكاك : سهوكة كيوت وهتعمل روح جديدة ف الجروب لكن رافعة الجولة بوستاتها كلها تحسسك انها بتبيع نفتالين

المسيطر : انجزوا الحمل تقيل ومش عايزين حد يوجع دماغنا انا مش فاضيلكم

عبده المهم (بتناكة) : انا خلاص اخترت 3 نعمل معاهم انترفيو .. الريس ابو باشا ودا موظف كبير ف الحى وابوه وكيل وزارة ودا راجل يشرف وعلاقاته كتير وكمان عشان لو الامن عمل معانا حركة قرعة محدش ينفعنا غيره .. و الكبير البمبوطى ودا من قرية وشغله ف المدينة وعيلتهم جامدة فمحدش م العيال السيس هيفكر يحكها معاه عشان غبى كدا زيك يا زياط .. وسهوكة ودى عشان الحكاك يبطل يحكها معايا وكمان هتقدر ترخى معانا الجروب لما يهيج علينا

الزياط : 100 100 بس ماتقولش غبى

الحكاك : أصلى يا كبير

المسيطر : بلغهم انبوكس بمكان ومعاد الانترفيو

(مشهد نهارى داخلى ف مخزن أدوات صحية ملك عبده المهم)

عبده المهم (بالحتة الزيتىوالكرافتة الصفرا) : احنا جمعناكم انتو التلاتة سوا مع ادارة الجروب عشان الشفافية وتعرفوا ان مصلحتنا الجروب وبس كل واحد معاه 10 دقايق يقولنا نبذه عن الجروب ودوره كأدمن لو تم إختياره

المسيطر : بإختصار شديد يا بشوات ارجوكم

الزياط : ياريت ف وسط كلامكم تقولو تصرفكم مع عضو غتت غاوى مشاكل ومخالفة قوانين الجروب

الحكاك : ....... (نظرة لسهوكة)... بعد إذنكم ليدى اذ فيرست

سهوكة : (ماسحة مناخيرها بمنديل خد معاه حتة من الروج الرخيص ) ميرسى خالص يا جماعة انكو ادتونى الشانس دى ريلى .. انا حبيت الجروب دا من اول مشاركة وياما كان نفسى اشارك اكتر ودلوقت بعد ما كبر أوووى حبيته أوى وبستمتع بيه جداااا .. ولو اخترتونى ادمن ههتم اكتر بالبناويت عشان ريلى انتو مقصرين ف حقهم وكتير بنات صحباتى بيشتكولى انهم مش عارفين يشاركو عشان بيحسوا انكم بتعملوهم بخشونة وانتو عارفين البناويت ريلى كيوت وانا ع فكرة 31 سنة ومش متجوزة بس اتخطبت اكتر من مرة وفركشت ومتابعة للجروب واعرف اغلب اعضاءه وبينا شات قصدى احترام متبادل وماتقلقوش هعرف اظبطهم اوووى ريلى

الكبير البمبوطى : سلامو عليكو يا حضرات انا جيت النهاردة لجل ما يكون مشاركتنا فعالة وعندنا ناس ياما عايزة تدخل الجروب لما سمعوا عنه منى وبصراحة فاكرنى ادمن عليه اشكمنى يعنى معروف ف البلد وكدهوان فقولت اقدم وربنا يبارك فيكم توافقو ووعد منى بتبرع خمسميت جنيه وبانر تهانى ليا بالادمنة ع حسابى واهو تبقا شهرة للجروب وماتخافوش هسيطر جامد والعدد بقا ف اللمون فلو ضحينا ب مية ولا ميتين الباقى كفاية وزيادة

الريس ابو باشا : شكرا يا جماعة ع دعوتكم ومش هتكلم كتير بس لازم ارجع شوية لورا وافكر استاذنا عبده المهم بعبقرية الفكرة لان الراجل فعلا مش بيحب يتكلم عن نفسه وكمان احذركم من الاعضاء ال بيحاولو يجروا الجروب للسياسة خصوصا وكلنا عارفين اننا متراقبين وبابا كان قالى ان اونكل فرج كان مبسوط بالجروب بس مش عاجبه الكام عيل الاخوان ال عاملين شرفاء ع الجروب لكن صفحاتهم بوستات شتيمة ف البلد عشان كدا انا قولت اشارك معاكم ألفت نظركم للى مش واخدين بالكم منه عشان الجروب يكمل وماينهارش زى جروبات كتير

(مشهد نهارى تايم لاينى )

عبده المهم : تعلن إدارة الجروب فوز الاستاذ الريس ابو باشا بعضوية الإدارة وأتقدم بإسم الأدمنز والأعضاء بجزيل الشكر لخدماته الغير معلنه ولكن معروفة للجميع

كله ماشى : هوا لها هوا لها

الخبرة : كفاية اسمه جااامد

العميق : وماله

أذكى اخواته : هوا التقديم مستمر لحد امتى ؟؟

سهوكة : مغادرة للجروب

الحكاك : (انبوكس لسهوكة)

الكبير البمبوطى : مغادرة للجروب

الزياط : تم مسح بوست العضو الكبير البمبوطى لمخالفة أداب الحوار

المسيطر : نفس حشيش طوييييل ودخان أزرق يعم الشاشة

(خلفية موسيقية من أحد الأعضاء ع المكنة لأحدث مهرجانات سعيد كلابيظو)

(خلفية تلفزيونية لرواد الفضاء من ناسا يهبطون ع كوكب المريخ)

#تمت_فبلاش_شتيمة

علاقة الدولة بالجيش !

تعالو نفكر بموضوعية شوية عن علاقة الدولة بالجيش .. وعشان ابسطهالكم حطوها ف سياق علاقة أم بأولادها .. راجل ومراته .. شركة بموظفيها .. فكر كدا لو ان كيان مكون من أكتر من عنصر .. واحد العناصر متحمل مسؤولية الكيان بكل تفاصيله .. هل الكيان دا هيكمل كوحدة واحدة ولا هينقسم او ع الاقل يختل ؟!!.. 

شوف ف مصر مثلا لما مشروع قومى خايف عليه ما يتمش يتم إسناده للجيش .. وهكذا مع كوبرى تعطل إنشاءه .. شركة متعثرة .. طرق للتنمية .. حتى السلع التمونية والمجمعات الإستهلاكية .. دا غير أحداث الفتنة كما تم بعد فض رابعة وإحراق الكنائس .. وجدنا من أسند إليه إعادة إنشاءها الهيئة الهندسية للقوات المسلحة !! .. إلخ إلخ !!.. تفتكروا دا هيفيد الدولة والجيش ولا هيضر بيهم ؟؟ ..

قبل ما نجاوب ع الأسئلة دى لازم نرجع للأمثلة المبسطة .. العلاقات الأسهل إدراكا والتى تقابلنا يوميا .. أم عندها طفلان .. أحدهم يتحمل المسؤولية والأخر كسول .. فبدلا من كشف أسباب كسل الأخر وتشجيعه وحتى عقابه نجدها استسهلت التحميل ع النشيط وهيا لا تدرك - عن جهل - أنا تدمر الكسول ليصبح إتكالى وتنتهك النشيط فيتمرد أو يمرض !!.. وخلال سنوات قليلة ستكون قد دمرت الطفلين معا !!

بالمثل مع رجل وزوجته .. أحدهما يتحمل مسؤولية الأسرة والأخر مفعول به .. لا فكر .. لا تخطيط .. لا مشاركة .. بمرور الوقت الطرف الفاعل سيصاب بالإحباط من عدم وجود مشاركة ف أفعاله وسيبحث هنا وهناك عن بديل يقدر مجهوده ويشاركه متعة الفعل لا ضعف رد الفعل ..وتنتهى العلاقة غالبا بإنفصال لا رجعة فيه وهدم بيت ربما كان من الممكن له أن يستمر إن تشاركوا من البداية .

نأتى للمثل الأكثر عملية وهو علاقة شركة بموظفيها .. كما هو معمول به فى مصر نجد أن الموظف فى أى شركة كدواسة البنزين ف العربية .. مادام فيها نفس هيتم الدوس عليها للنهاية !.. وبالتالى جميع الشركات الخاسرة والمديرين الفشلة .. يعتمدوا ع موظف او اتنين ويتركون الأخرين للتزويغ والتهييس .. وبكل بجاحة يقنعون المجد الكادح انه الأفضل للإعتماد عليه غير مدركين أنه يحتقرهم لفشلم فى توزيع المهام وترك التميز للفروق الفردية التى ولابد لها أن تظهر بالإحتكاك والتنافس لا فى الإجهاد .

لو أدركت الثلاث أمثلة السابقة على بساطتها هتدرك ماهو أت من تفسير موضوعى لعلاقة الدولة بالجيش فى مصر .. فمنذ 1952 والشعب يتعامل مع مصر ع أساس أنها جيش طلع له دولة !.. ونظرة سطحية ع المناصب القيادية ف الدولة والمؤسسات والشركات بمختلف مجالاتها سيجعلك ع يقين من صدق الوضع !.. هل الدولة تقدمت ؟!.. هل الجيش أنجز مهامه الأساسية ؟!..الإجابة قطعا لا!
العجيب هو ما حدث .. فقد إنتقل أمراض الدولة الفاشلة للمؤسسة العسكرية ولم ينقل العسكريين أسباب نجاحهم للدولة .. بمعنى أن الجيش انشغل بمشاكل الدولة الإجتماعية والإقتصادية وأهمل قدراته القتالية مما أثر على حماية الحدود وردع الأعداء ولا أحتاج لتذكيركم بدوخول حماس لسيناء ف ييناير 2011 وتهريب السلاح من ليبيا طول اربع سنوات وفشل ف القضاء ع جماعة بيت المقدس وحماية حتى الأكمنة الموجودة ف عقر دار الجيش ( أحداث موثقة رسمية من دوائر السلطة وليس المعارضة) .. كما أن إنتقال العسكرين كرؤساء أحياء وشركات ومصالح حيوية لم يستطيعوا خلالها نقل المميزات العسكرية من إنضباط ورقابة وتقييم وثواب وعقاب وجدية .. استسهلوا أمراض الشخصية العسكرية عند إحتكاكها بالحياة المدنية من تعالى ونكران للتوجيه وتكبر ع التعلم ومحدودية الأفكار وتقليدية الإنجاز !! .. زد ع ذلك الإنفتاح ع الفساد والنهب من المال العام والتراخى والتكاسل والرفاهية وما الى ذلك من الأمراض الحكومية الروتينية !!

مما لا شك فيه أن الجيش أنجز مشاريع مالم تكن لتنجز بدونه .. طمعا أو خوفا .. لكن المحصلة النهائية فشل متوارث مكرر من 1952 .. فبدلا من تنمية كوادر إدرية علمية .. استسهلنا الإعتماد ع الخبرات العسكرية المحدودة .. بدلا من سن قوانين والحزم ف تنفيذها ف ابواب مثل حقوق الإنسان والمواطنة .. استسهلنا إعادة ترميم كنيسة تم إحراقها بهمجية والإعتذار عن فساد عقود طويلة دون تغييره !!.. بدلا من ترسيخ مفهوم المؤسسات وكلن يعمل فى مجاله وتقييمه بما يمتلكه من صلاحيات ومسؤوليات وقدرات .. أصبحنا لا نرى ف الدولة سوى المؤسسة العسكرية حتى باتت تعرف ب "عمود الخيمة" بما فى هذا المصطلح من إهانة لدولة بحجم مصر وتحميل الجيش ما لايطيقه إذا ما ضعف او تعب !! 

الحلول لا تحتاج لشرح .. لكنها يقينا تحتاج لإرادة .. إرادة الدولة أن تكون مؤسسية .. وإرادة للجيش أنه مكلف وليس واهب .. إرادة للدولة أن تميزها بقوة وتنوع مؤسساتها .. وإرادة للجيش أن تفوقه ف كل المجالات لن يعفيه من تحمل مسؤولية فشله ف المهمة الأولى والأصيله له .. وأن بعده عن النواحى الإجتماعية والسياسية والإقتصادية لن يقلل من شأنه بل بالعكس يقويه ويدعمه .. وكل جيوش العالم تعلم مدى قوتها إذا ماتم دعمها من شعب واعى حاصل ع حقوقه ف دولة مؤسسية تحظى بسلام إجتماعى وتنمية إقتصادية وحياة سياسية حقيقية .. وهوا ما يعرف ببساطة بقوة الجبهة الداخلية التى لا غنى عنها فى اى حرب .. ومقارنة بسيطة بين الفترة ما قبل حرب أكتوبر والأن نرى من خلالها صعوبة الوضع الذى ألت إليه الدولة المصرية حتى وصل الحال لإنتشار مصطلح " يسقط يسقط حكم العسكر" والذى فسره المنافقون عمدا بدعوى إسقاط الجيش !!.. وماكان ولن يكون إلا أمل فى دولة قوية بكل مؤسساتها يعيش فيها الجميع ويحكمها الجميع .

أعلم أن كلامى ربما لن يرضى أحد .. فالثورجية للنهاية يريدون تغييرا جذريا دون اى إعتبار لما تؤول إليه الأمور كما ف البلاد المحيطة .. والدولجية الطنطانجية يصابون بالحساسية من اى نقد وإن كان موضوعى لمؤسسة الجيش حتى وإن رأو تداعياتها فى حياتهم اليومية تكرر ف صراع ممل بين المنطق واى حنجوريات أخرى !.

ما أتمنا هو وطن عادل حر يحترم مواطنيه .. تحكمه الكفاءة وتقيمه النتائج .. وطن لا أحتاج لثلاثون سنة أخرى من عمرى كى أقرأ نفس عنوان الصحف وأستمع لنفس نشرات الأخبار .. وأرى نفس المواطنون يلعنون الضحية ويتركون الجانى يتباهى بجرائمه فى حقى وحقه وحقوق الوطن .