كروتة الثورة !!..

علشان أنا راجل خيالى وااسع أوووى وبحب أبص أبعد من نظرة الناس وأعمق مما تبدو الأمور فلقيت نفسى بعد التنحى بفكر فى "كروتة الثورة " .. كنت مستغرب أوى ليه ثورتنا خلصت فى 18 يوم ومبارك اللى كنا شايفينه أرسخ فاسد عربى إتخلع بسهولة والأمن المركزى اللى كان بعبع للجميع هرب بسرعة كدا وأمن الدولة بجبروته بقى زى الفار المبلول !!..فى الاول خفت أشارك الناس خيالى أحسن يقولوا عليا وش نكد وعديم التفاؤل ووو خصوصا بعد مقالات بلال فضل وغيره عن الجيش العظيم والمجلس العسكرى الوطنى .. كنت بحاول أمسح فكرة ان مافيش وردة بتطلع فى مقلب زبالة وان مستحيل البلد يبقا الفساد فيها للعنين ويبقى عندنا مجلس عسكرى ضد مبارك أو قضاء غير مسيس !!..
ومع ذلك أعترف انى استسلمت ومشيت مع القطيع وحاولت أكتم أفكارى ولو انى مش مقتنع بس اهو نجرب ونستنى ويمكن دا شواذ القاعدة !!..
لكن بعد مرور سنة من الثورة لقيت انى كنت بخدع نفسى .. وإن فعلا الثورة اتكروتت بحرافية عالية جدا .. وان المجلس العسكرى جزء من النظام لا يتجزأ ..وإن العملية كانت مجرد سفينة بتغرق وكان لازم نرمى الحمولة الزايدة علشان ننقذها .. وان اتنين حرامية سرقوا ولما الناس جريت وراهم واحد عمل انه مع الناس وفضل يضرب فى التانى علشان الناس ما يقتلهوش ويبقى بيدى لا بيد عمرو !!
الثورة اتكروتت فى 18 يوم قبل ما يبقى ليها قائد .. قبل ما الناس تشكل البديل .. قبل ما يكون فى ممثل ليها زى ليبيا مثلا .. خدوا الثورة فى حموتها والناس غرقانة فى شهوة النصر بخلع مبارك .. هوب هوب ..يلا ياعم مشيلهم مبارك ومش هيصدقوا نفسهم وهيتهبلوا من الفرحة .. ويطبلولك .. وهوب هوب .. نفرقهم .. نشتتهم فى مين صاحب الفضل ؟!!.. فى مين اللى كان ليه أكبر تأثير ؟؟!!.. فى مين الزعيم ؟؟!!.. هوب هوب .. نخططلهم برواقة بعد ما نشيل ضغطهم عن دماغ ابونا !!
الثورة اتكروتت لما استسلمنا لإستفتاء عبيط محدش فاهمه لحد دلوقت .. هل هوا بديل عن دستور 71 ولا مجرد ترقيع .. موعوا الموضوع .. لو قلنا رئيس مجلس الشعب المنتخب يحكم يبقى دستور 71 سقط ولو قلنا ماينفعش انتخابات رئيس قبل الدستور أحسن تبقى جمهورية برلمانية يقولك لأ طبقا لدستور 71 الدولة رئاسية !!.. وغيره وغيره ..
الثورة اتكروتت .. لما خالف المجلس المباركى المواد اللى استفتينا عليها .. لما سمح بإنشاء أحزاب دينية .. وساب الدعاية فى المساجد والكنائس وأهو الناس تتلهى مع بعضها وأفضالهم أنا أخطط براحتى !!..
والثورة اتكروتت لما بقى القضاء مسيس وبمليونية ولا اتنين مبارك يدخل القفص وزكريا عزمى اللى اتساب شهور يظبط فى ورق الرئاسة يعتقل ولما فيديوهات موقعة الجمل تبقى مع هالة سرحان والمحكمة بتعرض فيلم الباشا تلميذ !!..
الثورة اتكروتت .. لما نجحت خططتهم وكل تيار صدق انه قوى وانه لازم يلحق يجرى ياخد نصيبه من التورتة ومش مهم لو وقف فى زوره او مات من التخمة .. ومش مهم ان مصلحتنا واحدة وكان احسن نسقط باقى النظام وبعد كدا اللى عند اخويا مايضعش !!..
الثورة اتكروتت لما بقت مطالبها بتتنفذ بالحتة ..وكل حتة تاخدلها شهر ..واهو العداد بيعد والست شهور يبقوا سنة ونص ويمكن باقى العمر .. والثورة تبقى زى قضية فلسطين .. ونلاقى نفسنا سنة 2067 بنطالب بحق الشهيد ومحاكمة مبارك ونظامه بتهمة الفساد السياسى !!..
الثورة اتكروتت لما جابوا عصام شرف من الميدان وقروا فيه انه ضعيف وانه سهل السيطرة عليه وانه مش هيقدر قوة الشعب اللى فى ضهره ويبقى محدش ليه حجة لانه جه منهم وكان الميدان معصوم من الخطأ أو كأن الخطا مرة خطأ أبدى لا يستوجب الغفران !!..
الثورة اتكروتت .. لما جابو الجنزورى .. علشان مربوط فى أزهان حزب الكنبة وخصوصا من موظفين الحكومة انه راجل عدالة ونزاهة وووو من مخدرات الأعصاب السياسية .. وبكده يضمنوا ولاء حزب الكنبة ..ويبقى لو حد فتح حسه الشعب هيرد على الشعب ونبقى بعيد ونقوم بدور التحجيز بينهم .. ومحدش فكر فى ان نفس الجنزورى قعد 11 سنة فى بيتهم ساكت على مبارك ومبارك على سكوته !!..
الثورة اتكروتت .. لما سابوا خالد عبدالله وتوفيق عكاشة وساويرس ووووو .. يتبادلوا التهم والبلبلة ومحدش عارف مين الكداب ومين الصادق .. ولا حد بيتحاكم بتهمة البلاغ الكاذب والسب والقذف ولا حد بيتحاكم بتهمة التمويل والعمالة .. وطبعا العبيط بس اللى هيقول يمكن الاتنين صح !!..بحس ساعات ان فى ناس مش فاهمة ان النقيضين لا يجتمعان وان ماينفعش ان متناقض ومتناقض يتقاسموا الحقيقة ..ولازم فيهم واحد ابن تيييت وواحد ابن ناس .. لكن الناس بتستسهل تسمع وتسكت وتلوك فى خرافات وخزعبلات وكله فى البلالة وأسهل جملة تسمعها " أصل محدش فاهم حاجة !!" طيب دا بالنسبة للناس والحكام بقا ايه بطيخة هما كمان ؟؟!!.فين الأجهزة السونارية اللى بتكشف الحزام الناسف فى الأفكار قبل ما يحاوط الوسط ؟؟!!..
الثورة اتكروتت .. لما قالوا مجلس الشعب ما يحكمشى .. مع انه منتخب .. ولقينا نواب الشعب بيتكلموا عن خروج أمن .. ومرشحين رئاسة بيقولولنا حظ سعيد الثورة القادمة !!..
الثورة اتكروتت .. لما بقى الشعب يشوف سحل العسكر للمتظاهرين على انهم يستاهلوا !!..وتعرية البنات على انها مومس !!..والمجلس العسكرى هوا الجيش !!.. واللى بينزلوا التحرير عايزين يخربوا البلد - اللى هيا سويسرا واحنا مش عارفين - !!.. 
الثورة اتكروتت .. لما فى ناس كتيير اقتنعت انها خلصت .. واننا هننزل نحتفل بيها يوم 25 يناير ونعملها عيد ميلاد ونطفى الشمع ونلبس طراطير - احنا لابسينها فعلا - واضحك يا تامر ..وشاور لبابا يا لوئ علشان الصورة تطلع حلوة !!..وهوب هوب تتقلب الثورة كرنفال وبومب وصواريخ وبومبونى واللى هيفتح بقه يبقى بيعكنن على الشعب فرحته بثورة اللى بيحتفلوا بيها يا اما ماشركوش فيها او خانوها !!..ونلقاكم فى ثورة قادمة أحلى !!..
الثورة هتتفشخ .. لو استمرينا نقول على ازمة الانابيب " أدى اللى خدناه من الثورة " وأزمة البنزين " كله من الثورة " .. وناقص نقول ان البرد وتلج اسكندرية بسبب الثورة !!.. 
مش هقول ان البنزين اتمنع علشان مانعملش بيه مولوتوف نولع بيه البلد يوم 25 يناير .. ولا ان الانابيب اتمنعت علشان نبطل طبيخ ونخس شوية .. بس هقول ان اللى يقدر يقفل الحنفية ويفتحها ومعاه إعلام فاسد ..وشعب منقسم .. هيقدر يعمل أى حاجة ومش سهل خالص على فكرة .. 
أنا مؤمن ان " تجوع الحرة ولا تأكل بثدييها " .. لكن طول ما فى ناس تقولك تعالى .... بس وكلنى وشربنى .. يبقى هما هينجحوا ويقلبوا الترابيزة على الكل .. وبدل ما هنعيش فى نعيم الثورة .. هنشرب مقلب " كروتة الثورة " !!..

أشباه النساء !!..

عندما نعشق أحدا فعلينا نقده كى يظل دائما فى نظرنا هذا الإنسان المثالى القريب من الكمال . وهذا حالى تماما مع المرأة ..هذا الكيان الأسطورى البديع الذى أعشقه بكل تفاصيله وأحترمه بكل أبعاده وأراه فى أعماقه "ملاك" يسكن الأرض ويتقاسم الحياة مع بقية البشر .
دائما وأبدا لكل قاعدة شواز ولذلك فوسط هذا الإبداع المتجلى فى كيان المرأة نجد بعض منهن وقد شوهوا صورة هذا الإبداع لذلك حق عليا التنويه والتحذير حتى أحفظ هذا الكيان الرائع من التشويه .
أشباه النساء هن قلة قليلة لا تملك الثقة .. لا تقدر قيمة كيان "المرأة ".. تراها أنثى إلا كثيرا .. قوية إلا كثيرا .. ذكية إلا كثيرا .. إنهن مسخ لا يمكن حسابهن على النساء !!..
أحيانا أشفق على شبيهة المرأة من نفسها وأشفق عليها من حرمانها من نعمة كونها إمرأة .. وكثيرا أفكر فى كيفية إزالة هذا التشويه ولكن أخيرا أقتنع أن لولا شبيهة المرأة ما قدرنا المرأة نفسها !!..
أقبح ما يعيب شبيهة المرأة أنها تتناسى هذه الحقيقة بل وتدعى براءتها مما ينسب إليها وهذا محض إفتراء ..ربما لأنها دائما تعيش فى شرنقة من الأكاذيب ..فهى دائما تمثل دور المرأة .. تمثل الصدق ..تمثل القوة .. تمثل الإخلاص .. تمثل البراءة ..وكل هذه القيم منها براء !!..
دائما نجد شبيهة المرأة فى حياة إنعزالية .. لا يمكنها رؤية الحياة خارج شرنقة الأكاذيب التى تحيا فيها .. دائما نجدها تفتعل شخصية وهمية بما ليس فيها .. دائما يستهويها أوهام الحب والقوة والشجاعة والإخلاص فى نفسها وهى أكثر من يعلم أن كل هذا محض أكاذيب سرعان ما يكتشف زيفها أى إنسان حقيقى غير مزيف مثلها ..
نجد شبيهة المرأة دائما غير قادرة على المواجهة .. تهرب مع أول مسؤولية تقابلها ..تختلق أعذار تعلم جيدا أنها غير مقنعة ..المهم أن تهرب .. فشرنقتها لا تسمح لها بالمغادرة إلى عالم الحقيقة وهى تملك صفرا من القدرة على تمزيق جدران الشرنقة !!..
نجد شبيهة المرأة دائما ..فاشلة .. لا تجيد الحب وإن مثلته .. لا تجيد النجاح وإن توهمته .. لا تجيد التواصل وإن جربته .. لا تجيد شيئا .. فقط تتوهم كل شيئ وتصنع من الاشيئ شيئا لا يتجاوز كينونته حدود شرنقة أكاذيبها !!..
ربما يأتى إحساس الشفقة على شبيهة المرأة من ضعفها الذى لا تعترف به والذى يصرخ ألما فى أعين الأسوياء من البشر .. ضعفا ينادى من ينجده .. ضعفا يبحث عمن يرحمه من قوة الأوهام والأكاذيب .. ولكن الكارثة أن من تقتل كمدا بسبب ضعفها هى نفسها من توهم نفسها بالقوة والقدرة على سحق هذا الضعف ولكن بغباء منقطع النظير .. تحارب ضعفها بهروبها .. تحمل سلاح السلبية فى وجه طوفان الألم !!..
يتملك البعض رغبة فى سحق شبيهة المرأة .. ولكن غالبا ما تنتهى رغبات التدمير بدعاء التغيير لها .. فهى غالبا مريضة نفسية .. ضعيفة ..وحيدة .. مضطهدة .. مقيدة .. كما أنها مريض ميؤوس من شفاه لأن أول خطوات العلاج الإعتراف بوجود المرض ومواجهته لكن حتى الإعتراف بالمرض بدون مواجهة هو مرض أكبر !!..
من المؤلم لرجل عشق المرأة أن يرى فى ثوبها الأبيض ما يدنسه .. لكن حق المعشوق على عشيقه أن يصارحه بعيوبه حتى يتخلص منها وينبذها .. حتى يعود بياض ثوبه إلى أقصى نصعانه .. 
إن المرأة فى حياة كل رجل مكمل أساسى شاء أم أبى .. والرجل الحقيقى لا يرضى إلا بإمرأة حقيقية تكمله ..ويبقى لأشباه النساء ..أشباه رجال .. لا يكملون ..ولا يكتملون !!..

البرلمان بين شرطة مبارك وجيش طنطاوى !!

فى البداية يجب التأكيد على أن البرلمان القادم ليس هو برلمان الثورة ..فلن يكون أبدا معبرا عن روح ثورة يناير ودلك لأسباب عديدة سنتناقشها سويا فى كل مكان الأن ومستقبلا ..فى الشارع وفى المقالات . دعونى أبدأ بأن بأول الأسباب وهو ان أعضاءه ليسوا هم من قادو الثورة ولا من أتو بهم أمنوا بها حق إيمان ..بإستثناءات نادرة .
البرلمان المصرى ال\ى يخلو من ابو العلا ماضى وجورج اسحق وجميلة اسماعيل لا يمكن أن أسميه برلمان الثورة .. البرلمان الدى يضم متطرفين أتو بأصوات إسلامية ومسيحية متطرفة لن يكون برلمان الثورة .
علينا أن نصارح أنفسنا أن الأغلبية فى البرلمان القادم من أحزاب بعضها حرم الثورة والخروج على اللامبارك وأغلبها كانوا يخشون الثورة والخروج عليه بل أسرعوا حين إنضموا اليها فى التنكر لمبادئها وأهدافها .. ومن لا يصدق فليعود لأحداث ما قبل الثورة - بعيدا حتى عن كتاباتى - أو ليرجع لمسخرة الإستفتاء الدى جعل من ثورتنا أضحوكة وتركها هشة ضعيفة فى يد العسكر يمزقونها كيفما أرادوا !!..
إنها مصر بلد العجائب التى يعتنق شعبها منطق اللامنطق ..لدرجة أنهم أصبحوا يمنطقونه بل ويؤمنون به فى تحد صارخ لكل القوانين فى جميع الغلوم ..من العلوم السياسية الى العلوم النفسية !!..
إننا شعب خارج نطاق التوقعات ..فجيشنا ينتصر فى 73 بنفس الجنود والسلاح الدى سحق به فى 67 !!..حتى الزمالك يخسر الدورى بعد تقدمه ب 13 نقطة وفى ظل إستعداد الأهلى لتقبل الهزيمة !!..
إننا شعب يصفق لجيشه الدى نزل الشوارع فى 28 يناير ويرفع جنوده فوق الأعناق لانه اعتقد انهم نازلون لحماية الثورة والشعب كما فعل الجيش التونسى حينما أرغم الشرطة على الكف عن قتل التوانسة .. لكن فى نفس الوقت لا يتوقف الشعب عن التصفيق حينما يرى قوات الجيش تشارك فى موقعة الجمل بحيادها السلبى أحيانا و تسهيل المهة أحيانا أخرى .. لا ينطق الشعب حين يرى قوات جيشه تقتل فى ماسبيرو ومحمد محمود ومجلس الوزراء !!..
أغلب الناخبين لم يؤمنوا بالثورة ولم يصدقوها ولم يشاركوا فيها ..فكيف بهم يأتون ببرلمان يمثل هدة الثورة ؟؟!!..أغلب الناخبين مازلوا يتحدثون عن استقرار زائف وخانع ويتحججون بعجلة الاناج التى لا يعلمون عنها شيئا ودلك لتبرير تقاعسهم عن مناصرة الحق وتخادلهم فى دفع الظلم وسكوتهم أمام فساد الحكام !!..أغلب الناخبين لو عاد مبارك لقبلوه ولو حكم السلفيون لرضخوا اليهم !!..أغلب الناخبين لم يقرأوا ورقة عن من انتخبوهم وانما دهبوا خوفا من غرامة لن تطبق !!..أغلب الناخبون استسلموا لمحاولات تضليلهم باسم الشرع وباسم الدين وباسم كل الرسل والانبياء !!..أغلب الناخبين كانوا مستعدين للتصويت لأى فرد لمجرد كيلو سكر أو دعوة بالجنة أو رضا شيخ أو قسيس !!.. 
مازلنا فى أول طريق الديموقراطية وكل ما نفعله هو محاولة تعلم أساليب ديموقراطية حتى أننا لم ننجح فى اجراء انتخابات نزيهة بالمعنى المتكامل ولا حتى اعتصامات واضرابات محترمة تليق بشعب يملك ثورة كثورتنا !!..
فى رأيى أن هده الإنتخابات لا تختلف كثيرا عن سابقتها .. الفرق فى نوعية التزوير .. فإنتخابات شرطة مبارك كان التزوير فيها فجا و ظالما بكل معانى الكلمة وكانت الصناديق تعبأ بالأصوات فى بيوت المرشحين وأتباعهم من الحزب اللاوطنى وإن حدث وتصدى قاضى محترم لهم - ودلك نادرا - يتم التزوير فى الفرز وأحيانا فى إعلان النتائج . أما إنتخابات جيش طنطاوى فالتزوير فيها مختلف وأكثر احترافيا ولكنه أكثر قدارة .. فالجيش يصم أدانه ويعمى بصره وبصيرته وبعد أن كانت شرطة مبارك تعتقل الإخوان فجرا - بفتح وضم الميم - لعدم مشاركتهم فى الإنتخابات ..ترك جيش طناوى للإخوان الحبل على الغارب فلا حديث عن دعاية مضللة ولا تحقيق فى مخالفة القوانين ولا حساب على أى انتهاكات وبالمثل مع باقى "الإسلامين " ولا نثتثنى من دلك مرشحى الكنيسة وداعميهم وأضاليلهم فى الكنائس وخارجها . لم يتحرك جيش طنطاوى لفرض قوانين الإنتخابات النزيهة وعدم استغلال دور العبادة وترشيد الدعاية وتكافؤ الفرص واكتفى بالتأمين الدى من البديهى أن يحدث عندما يريد لان كل مفاتيح القوة والبلطجة فى يده !!..
هدا البرلمان المولود - مشوها - أمامه فرصة ككل الفرص التى تسنح لحكام مصر فى أن يقرر بنفسه غرضه من الحكم .. فإن قام هدا البرلمان بالقصاص وتحقيق مطالب الثورة من محاكمات عادلة وحريات حقيقية وعدالة للجميع فهو ادن يستثمر ثقة الناخبين فيه وإن لم يفعل فإنه لن يختلف بدلك عن مبارك وطنطاوى فى شيئ وموعدنا ميدان التحرير .
التحديات قادمة والشعب الدى يمنطق اللامنطق سلاح دو حدين .. اليوم تقبل أضاليلكم وغدا سيسحقككم إدا استكنتم لأوهامكم .. الشعب المتدين ظاهريا شديد الفسق داخليا - الا ما رحم ربى - لا ترتكنوا لرغبته فى تطبيق الشرع .. فرغبته فى الأكل أهم لديه !!.. الشعب الدى صفق لمبارك وطنطاوى واليوم يصفق للإخوان والسلفيين ليس مأمونا !!.. الثقافة هى الحل .. علموا هدا الشعب وثقفوه واتركوه يقرر مصيره إدا كنتم حقا تثقوم فيه وفى أفكاره واحترموا ارادته وقتها !!..
إياكم وأن تخدعكم أوهامكم أن هدا الشعب سيقبل بحاكم ظل إله على الأرض أو بخلافة أبدية لإمام المسلمين أو تقليص حريات ووصاية انسانية عليه ... خدوا حدركم جيدا .. أنتم الأن فى لعبة سياسية حدار أن يختلط عليكم الأمر وتقلبوها لعبة دينية عقائدية فستحترقون بنارها !!..
أما برلمان الثورة فهو قادم قادم بلا شك .. الثورة مستمرة .. وسوف تنتصر .. والثوار من التحرير وفى كل الميادين قادرون على انتزاع حريتهم وتوصيل صوتهم للشعب بكل تياراته حتى إن لم يمنحهم هدا الشعب فرصة فسيصلون إليه لأنهم لم يعتادوا اليأس .

أبحث عنك...

فى كل إمرأة قابلتها..
وتخيلتها أنها أنتى..
أبحث عنك يا إمرأتى..
فى كل نظرة جريئة ..
أبحث عن عينيكى..
فى كل ابتسامة ساحرة ..
أبحث عن شفتيكى..
فى كل حنان يغمرنى ..
أبحث عن قلبك ..
فى كل نغمة تطربنى..
أبحث عن صوتك..
فى كل بساطة طفولية ..
أبحث عن برائتك ..
فى كل إطلالة جدابة ..
أبحث عن أنوثتك ..
فى كل أسفارى الكثيرة ..
أبحث عنك ..

عشق حصرى ..

أشعر برغبة قوية فى أن ألمسك حبيبتى ..
أريد أن تداعب يدى خصلات شعرك..
أتمنى أن أهمس "بحبك" وشفتى تتحسس أدنك ..
أتخيل مداق شهد شفتيك فى قبلة أبدية ..
أحلم بممارسة الحب معك..لا الجنس ..
أريد أن أكون المايسترو لسيمفونية عشق اسطورية ..
أجعل جسدى كالريشة ..
فى يد عازف عود حالم..
وأمارس معكى الحب على المدهب الشرقى ..
أجعل جسدى كالعصا..
فى يد عازف درامز ماهر..
وأمارس الحب معكى الحب على المدهب الغربى ..
سنصنع بجسدينا لحنا خالدا ..
يجمع مابين العشق الكلاسيكى والعصرى ..
أحلم يا إمرأتى ..
بعمر .. من العشق الحصرى ..


3-1-2012      7:17

إشراقة الصبح الجديد...

مع لحظات إختراق خطوط النور الحريرية البيضاء ..
لجدار الليل الأسود..
أفكر..أتعمق..أقرر..وأعلن ..
أفكر فى ماضيا بكل إيجابياته وسلبياته ..
أتعمق فى متاهات نفسى..
لألتمس ما لا يستطيع غيرى رؤيته..
أقرر تجديد نفسى بنفسى..
ومع إشراقة الصبح الجديد..
|أعلن..
أننى أقوى..
أننى |أنجح..
أننى أفضل ..


3-1-2012       6:56