وماتنسوش البت السمرا ..

وماتنسوش البت السمرا ال بتتمرمط ف العربيات الاجرة ..
 والمواطنة المطحونة ف طابور عيش ع طابونة ..
 وغيرها الست العاملة شقيانة ياعينى وكادحة ...
 وبلاش البت التافهة ..
 ال مافيش ف دماغها فكرة هادفة ..
 اهتمامها بفستان وجيبونة وع طول واقفة ف بلكونة ..
 وماتصدقش ال تقولك مسؤولة وتسيبك ف الازمة الأولى .. 
 او تقولك بشترى راجل بس معاه ف البنك حساب تاجر ..
 ولو خيرتها ف الواقع بين الفلوس والرومانسية تقولك المهم العربية ..
  اتمسك اوى بالمجنونة قادرة وشخصية حنونة ..
 تتحمل قد ما تتحمل وتفضل دايما قنوعة .. 
خد منى الزتونة .. 
كلهن لسه ف سنة اولى ..