لازم نعيش دولة العبث .. ماحدش بيحلل وكله بيستسهل .. "الاسلامى" بيستسهل ينتخب ابو دقن عشان شرع الله ويبررله الربا والظلم وعدم القصاص .. "الليبرالى" بيستسهل الدعوة للاقصاء وتبنى العنف وبيبرر عودة العسكر !!..
احنا شعب يهوى تخدير الضمير .. لازم يشيل حد الشيلة ويخلع لا وكمان ينقده .. شوفو ماتشات الكورة ال 90 مليون مابين مدربين ومحللين نصهم ماجابوش جون ف اى هدف ف حياتهم !!.. شوفو الاتكالية الاسرية ومحدش بيسيب بيت ابوه حتى لما يتجوز ويخلف ولازم يكون فيه كبير عيلة حتى وان كان الاقل ادراكا لابعاد الامور ولكم ف قضايا التار عظة !!..
احنا شعب بيقيس قوة القائد وهيبته بنضارة شمس وحرس وتكبر ع الخلق وشوفو دا مع سواق تاكسى قدام ظابط سادى وظابط ابن ناس !! ..
احنا شعب اتربى ع ال اكبر منك بيوم يعرف عنك بسنة .. واحترام الكبير انك ماتقولوش انه غلط حتى لو هوا غلط فعليا !!..
احنا شعب تلت ارباعه ماشاركش ف الثورة ونصه عمره مانزل ف تصويت ومع ذلك بيتجعص يشتم ف سلسفين ام الثورة والثوار !!..
احنا شعب فيه اعلى نسبة تحرش ورشوة وحوادث طرق وفتنة طائفية وسرقة بالاكراه ومع ذلك يتغنى بانه شعب طيب كريم صبور ومش عنصرى !!..
احنا الشعب ال بيسامح ف النهب وبيتغاضى عن الذل وبيكبر ف الحق .. ويرجع يقولك ليا مطالب محدش حققهالى !!..
تخدير الضمير بحضارة 7000 سنة (يقينى اننا لسنا احفاد صانعيها) لن يصنع حضارة .. شيزوفرينا تخدير الضمير مع انتقاد الاخر دائما لن تصنع حضارة !!.. أزمة وطنى أنا وأمثالى .. أننا نبحث عن دولة العدل بين شعب العرف عنده فوق القانون .. وكله بالحب .. حب النفس فقط (أين كان حجمها) ... أقسى ما أشعر به الأن هو الغربة داخل مايعرف بوطنى !!.. فبعد أن كان أملى ف الهجرة وجاءت الثورة لتثبت لى أن بداخلى انتماء كان يبحث عن وطن فإذا بالسنوات تمر وأضحى بأشياء متوهما أنها دون قيمة مقارنة بالانتماء وإذ فجأة أجد نفسى وقد عدت غريبا ابحث عن وطن .. وطن العدل .
احنا شعب يهوى تخدير الضمير .. لازم يشيل حد الشيلة ويخلع لا وكمان ينقده .. شوفو ماتشات الكورة ال 90 مليون مابين مدربين ومحللين نصهم ماجابوش جون ف اى هدف ف حياتهم !!.. شوفو الاتكالية الاسرية ومحدش بيسيب بيت ابوه حتى لما يتجوز ويخلف ولازم يكون فيه كبير عيلة حتى وان كان الاقل ادراكا لابعاد الامور ولكم ف قضايا التار عظة !!..
احنا شعب بيقيس قوة القائد وهيبته بنضارة شمس وحرس وتكبر ع الخلق وشوفو دا مع سواق تاكسى قدام ظابط سادى وظابط ابن ناس !! ..
احنا شعب اتربى ع ال اكبر منك بيوم يعرف عنك بسنة .. واحترام الكبير انك ماتقولوش انه غلط حتى لو هوا غلط فعليا !!..
احنا شعب تلت ارباعه ماشاركش ف الثورة ونصه عمره مانزل ف تصويت ومع ذلك بيتجعص يشتم ف سلسفين ام الثورة والثوار !!..
احنا شعب فيه اعلى نسبة تحرش ورشوة وحوادث طرق وفتنة طائفية وسرقة بالاكراه ومع ذلك يتغنى بانه شعب طيب كريم صبور ومش عنصرى !!..
احنا الشعب ال بيسامح ف النهب وبيتغاضى عن الذل وبيكبر ف الحق .. ويرجع يقولك ليا مطالب محدش حققهالى !!..
تخدير الضمير بحضارة 7000 سنة (يقينى اننا لسنا احفاد صانعيها) لن يصنع حضارة .. شيزوفرينا تخدير الضمير مع انتقاد الاخر دائما لن تصنع حضارة !!.. أزمة وطنى أنا وأمثالى .. أننا نبحث عن دولة العدل بين شعب العرف عنده فوق القانون .. وكله بالحب .. حب النفس فقط (أين كان حجمها) ... أقسى ما أشعر به الأن هو الغربة داخل مايعرف بوطنى !!.. فبعد أن كان أملى ف الهجرة وجاءت الثورة لتثبت لى أن بداخلى انتماء كان يبحث عن وطن فإذا بالسنوات تمر وأضحى بأشياء متوهما أنها دون قيمة مقارنة بالانتماء وإذ فجأة أجد نفسى وقد عدت غريبا ابحث عن وطن .. وطن العدل .
ليست هناك تعليقات:
إرسال تعليق